Сагдыйская вобласць

З пляцоўкі Вікіпедыя
Перайсці да: рух, знайсці
Сагдыйская вобласць
Краіна

Flag of Tajikistan.svg Таджыкістан

Уваходзіць у

Таджыкістан і Таджыкская Савецкая Сацыялістычная Рэспубліка

Адміністрацыйны цэнтр

Горад Худжанд

Насельніцтва

2 508 500 чал. (2016)

Плошча

25 400 км²

Сагдыйская вобласць на карце

Часавы пояс

UTC+5

Код ISO 3166-2

TJ-SU

Тэлефонны код

+992 3422

Паштовыя індэксы

735700

Код аўтам. нумароў

02РТ

Commons-logo.svg Сагдыйская вобласць на Вікісховішчы

Сагдыйская вобласць — адміністрацыйная вобласць у складзе Рэспублікі Таджыкістан, утворана 27 кастрычніка 1939 года як Ленінабадская вобласць і скасавана ў 1962 годзе. У 1970 годзе адноўлена, 10 лістапада 2000 года перайменавана ў Сагдыйскую вобласць.

Размешчана на поўначы Таджыкістана, у гарах Цянь-Шаня і Гісара-Алая, паўночная частка займае паўднёвы захад Ферганскай даліны.

Геаграфія[правіць | правіць зыходнік]

Займае тэрыторыю ў 25 400 км². Тэрыторыя пераважна горная. З поўначы размешчаны Курамінскі хрыбет і горы Магалтаў, з поўдня — Туркестанскі хрыбет і Зераўшанскія горы. Мяжуе з Узбекістанам і Кыргызстанам.

Да вобласці адносяцца эксклавы Варух і Заходняя Калача, размешчаныя на тэрыторыі Баткенскага і Лейлекскага раёнаў Баткенскай вобласці Кыргызстана; а таксама анклаў Сарвак, размешчаны на тэрыторыі Папскага раёна Наманганскай вобласці Узбекістана.

Галоўныя рэкі — Сырдар’я і Зераўшан. Найбуйнейшае возера — Іскандэркуль. Вадасховішчы — Кайракумскае, Фархадскае, Катасайскае і Даганасайскае.

Клімат — кантынентальны, сухі і залежыць ад змены вышыні над узроўнем мора. Сярэдняя тэмпература студзеня ў даліне −10 °C, у ліпені +28—29 °C. Гадавыя ападкі 150—300 мм. У гарах халаднавата. Сярэдняя тэмпература: студзеня −40 ° C, у ліпені +26 °C. Ападкі ў гарах (да 1000 м) 400 мм; сярэдняя тэмпература: студзеня (на вышыні 2500-3000 м) −9 °C і ў ліпені +15 °C, гадавыя ападкі да 800 мм.