Самір Ханданавіч

Самір Ханданавіч
Агульная інфармацыя
Нарадзіўся	14 ліпеня 1984(1984-07-14)[…] (40 гадоў) Любляна, Сацыялістычная Рэспубліка Славенія, СФРЮ
Грамадзянства	Славенія
Рост	193 см
Вага	89 кг
Пазіцыя	брамнік
Маладзёжныя клубы
0000—2003 Слован Любляна
Клубная кар’ера
2003—2004 Дамжале 7 (-9) 2003—2004 →  Загар’е 11 (-14) 2004—2012 Удзінезэ 182 (-223) 2005—2006 →  Трэвіза 3 (-6) 2006 →  Лацыа 1 (-0) 2006—2007 →  Рыміні 39 (-36) 2012—2023 Інтэрнацыянале 380 (-389)
Нацыянальная зборная
2001 Славенія (да 17) 3 2003—2004 Славенія (да 20) 4 2003—2006 Славенія (да 21) 9 (-7) 2004—2015 Славенія 81 (-86)
Медыяфайлы на Вікісховішчы

Самір Ханданавіч (славенск.: Samir Handanovič; нар. 14 ліпеня 1984, Любляна, СФРЮ) — славенскі футбаліст, брамнік. Ігрок нацыянальнай зборнай Славеніі (2004—2015).

Клубная кар’ера

Ханданавіч пачынаў прафесійную кар’еру ў славенскім клубе «Дамжале». У 2004 годзе ён быў набыты «Удзінезэ» ў якасці дублёра для Моргана Дэ Санкціса і доўга аддаваўся ў арэнду. У 2006 годзе ён добра праявіў сябе, гуляючы за «Рыміні». У 2007 годзе Ханданавіч вярнуўся ва «Удзінезэ», але ўжо не ў якасці дублёра, а як асноўны галкіпер.

4 ліпеня 2012 года Ханданавіч перайшоў у міланскі «Інтэр». Сума трансферу склала 11 мільёнаў еўра. На працягу дзесяці гадоў рэгулярна быў асноўным брамнікам клуба, у сезоне 2022/23 стаў саступаць месца на полі Андрэ Анана. У ліпені 2023 года пакінуў міланскі клуб, а ў верасні 2023 года абвясціў пра завяршэнне кар’еры.

Міжнародная кар’ера

Ханданавіч дэбютаваў у складзе нацыянальнай зборнай Славеніі 17 лістапада 2004 года ў матчы супраць зборнай Славакіі. У 2010 годзе ў складзе зборнай гуляў на чэмпіянаце свету ў ПАР.

Асабістае жыццё

Бацькі Саміра маюць баснійскае паходжанне. Стрыечны брат Саміра, Ясмін Ханданавіч, таксама футбольны галкіпер. Браты часцяком удваіх выклікаліся да складу нацыянальнай зборнай.

Дасягненні

«Інтэрнацыянале»:

• Чэмпіён Італіі: 2021
• Уладальнік Кубка Італіі (2): 2022, 2023
• Уладальнік Суперкубка Італіі (2): 2021, 2022