Сан-Педра-Сула (ісп.: San Pedro Sula) — другі па велічыні горад Гандураса пасля Тэгусігальпы. Размешчаны на паўночным захадзе краіны, у даліне Сула, у 60 км ад берага Карыбскага мора. Адміністрацыйны цэнтр дэпартамента Картэс. Цэнтр аднайменнага муніцыпалітэта. Насельніцтва горада на 2010 год складала каля 640 тысяч жыхароў. Сан-Педра-Сула з'яўляецца таксама цэнтрам гарадской агламерацыі памерам каля 1200 тысяч жыхароў. У горадзе ў асноўным развіта лёгкая і харчовая прамысловасць. Сан-Педра-Сула з'яўляецца важным транспартным цэнтрам. У горадзе базуецца зборная Гандураса па футболу.