Сасноўскае
| Сасноўскае | |
|---|---|
| Морфаметрыя | |
| Вышыня над узроўнем мора | 139,2 м |
| Даўжыня | 1,1 км |
| Шырыня | 0,42 км |
| Плошча | 0,29 км² |
| Аб’ём | 0,00114 км³ |
| Даўжыня берагавой лініі | 2,82 км |
| Найбольшая глыбіня | 7,6 м |
| Сярэдняя глыбіня | 3,9 м |
| Гідралогія | |
| Тып мінералізацыі | прэснае |
| Салёнасць | 0,1—0,115 ‰ |
| Празрыстасць | 2 м |
| Басейн | |
| Плошча вадазбору | 1,28 км² |
| Упадаюць | ручаі |
| Выцякаюць | бяссцёкавае |
| Размяшчэнне | |
| Краіна |
 Беларусь |
| Рэгіён | Віцебская вобласць |
  Сасноўскае |
|
|
|
|
 Сасноўскае |
|
 |
|
Сасно́ўскае — возера ў Беларусі, у Шумілінскім раёне Віцебскай вобласці ў басейне ракі Заходняя Дзвіна, за 8 км на захад ад гарадскога пасёлка Шуміліна, каля вёскі Пабеда.
Плошча паверхні 0,29 км², даўжыня 1,1 км, найбольшая шырыня 0,42 км. Найбольшая глыбіня 7,6 м, сярэдняя 3,9 м. Даўжыня берагавой лініі 2,82 км. Аб’ём вады 1,14 млн м³. Плошча вадазбору 1,28 км.
Катлавіна Сасноўскага возера лагчыннага тыпу, выцягнутая з паўночнага захаду на паўднёвы ўсход. Схілы катлавіны сугліністыя, спадзістыя. Вышыня схілаў 2—5 м. Берагавая лінія слабазвілістая. Берагі вышынёй 0,1—0,4 м, пясчаныя, на паўночным усходзе тарфяністыя. Літараль шырынёй ад 10—20 да 100 метраў, схілы сублітаралі стромкія. У сярэдзіне возера дно плоскае. Да глыбіні 2,5 м дно пясчанае, да 4—4,5 м пясчанае (месцамі перакрыта слоем торфу), глыбей выслана гліністым ілам і сапрапелем.
Возера эўтрофнае, бяссёкавае. Падводная расліннасць распаўсюджваецца да глыбіні 3,5 м. Палоса прыбярэжнай надводнай расліннасці шырынёй да 10 метраў, на ўсходзе возера да 40 метраў.
У возеры водзяцца шчупак, лешч, акунь, плотка, краснапёрка і іншыя рыбы.
Літаратура[правіць | правіць зыходнік]
- Сасноўскае возера // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 191. — 10 000 экз. — ISBN 985-11-0035-8. — ISBN 985-11-0238-5 (т. 14).
- Богдзель І. І. Сасноўскае возера // Энцыклапедыя прыроды Беларусі. У 5-і т. Т. 4. Недалька — Стаўраліт / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1985. — 599 с., іл. — 10 000 экз.