Свадзьбічы

Вёска Свадзьбічы Краіна Беларусь Вобласць Брэсцкая Раён Бярозаўскі Сельсавет Сігневіцкі Каардынаты 52°25′50″ пн. ш. 24°47′25″ у. д. Насельніцтва 54 чал. (1999) Часавы пояс UTC+3 Тэлефонны код +375 1643 Аўтамабільны код 1 Свадзьбічы на карце Беларусі ±

Сва́дзьбічы (трансліт.: Svadźbičy, руск.: Свадьбичи) — вёска ў Бярозаўскім раёне Брэсцкай вобласці. Уваходзіць у склад Сігневіцкага сельсавета. Размешчана за 19 км ад Бярозы, за 17 км ад чыгуначнай станцыі Бяроза-Картузская.

Гісторыя

У 1838 годзе вядомы ў Пружанскім павеце Гродзенскай губерні, калі належалі П. Вітаноўскаму. У 1856 годзе памешчыку належала 81 рэвізская душа. 3 сакавіка 1861 года жыхары вёскі адмовіліся выконваць павіннасці і аб'явілі аб непадпарадкаванні ўладзе, частка сялян была арыштавана і напраўлена ў Пружанскую турму. У 1864 годзе ў Сігневіцкай воласці У 1886 годзе — Свадзьбічы Казны ў Равяціцкай воласці, паштовая станцыя. Паводле перапісу 1897 года ў вёсцы дзейнічалі хлебазапасны магазін, маёнтак Сігізмунда Шамяцілы. Выселак пры былой паштовай станцыі. На працягу 1905 годзе адбываліся сялянскія хваляванні з эканамічнымі патрабаваннямі і самавольная высечка лесу.

З 1915 года акупіраваны германскімі войскамі, з 1919 года да ліпеня 1920 года і з жніўня 1920 года — войскамі Польшчы, У ліпені 1920 устаноўлена савецкая ўлада.

З 1921 года ў складзе Польшчы. У 1924 годзе ў Равяціцкай гміне Пружанскага павета Палескага ваяводства. З 1932 года ў Сігневіцкай гміне.

З 1939 года ў БССР. З 1940 года вёска ў Равяціцкім сельсавеце.

У 1941—1944 гг. акупіравана нямецка-фашысцкімі захопнікамі. На фронце ў Вялікую Айчынную вайну загінулі 6 воінаў-землякоў.

Пасля вызвалення вёскі ў 1944 годзе працаваў млын. З 1954 года ў Сігневіцкім сельсавеце. У 1970 годзе ў калгасе «Запаветы Леніна», у 1980-я гг. вяскоўцы працавалі ў калгасе.

Планіроўка

Планіровачна складаецца з прамалінейнай, двухбакова забудаванай вуліцы, арыентаванай з захаду на ўсход, у заходняй частцы (з паўднёвага боку) да яе прымыкае завулак.

Насельніцтва

• XIX стагоддзе:
  • 1897 — 36 двароў, 177 жыхароў, у маёнтку — 15 двароў, 21 жыхар, у выселку — 1 двор, 12 жыхароў.
• XX стагоддзе:
  • 1905 — 242 жыхары, на станцыі (за 1 вярсту ад вёскі) — 15 жыхароў.
  • 1924 — 14 будынкаў, 78 жыхароў, у фальварку — 1 будынак, 5 жыхароў.
  • 1940 — 52 двары, 271 жыхар.
  • 1959 — 27 гаспадарак, 112 жыхароў.
  • 1970 — 162 жыхары.
• XXI стагоддзе:
  • 2005 — 26 двароў, 38 жыхароў.

Вядомыя асобы

• Васіль Якаўлевіч Сахарчук (1953—2003) — беларускі паэт, перакладчык.
• Віктар Аляксандравіч Гумінскі (нар. 1955) — беларускі ваенны і палітык.

Літаратура

• Гарады і вёскі Беларусі: Энцыклапедыя. Т. 3, кн. 1. Брэсцкая вобласць / пад навук. рэд. А. І. Лакоткі. — Мн.: БелЭн, 2006. ISBN 985-11-0373-X.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх