Светлагорскхімвалакно

СветлагорскХімвалакно
СветлагорскХімвалакно
Тып	Адкрытае акцыянернае таварыства
Заснаванне	1964
Краіна	Беларусь;
Размяшчэнне	Светлагорск, Беларусь
Адрас	Светлагорск;
Ключавыя постаці	Васіль Касцюкевіч
Галіна	Хімічная прамысловасць
Прадукцыя	Поліэфірныя ніткі, нятканыя матэрыялы, поліпрапіленавая тара і стужкі, Арселон, вугляродныя матэрыялы, тканіна і палотна, поліэтыленавая плёнка, тыхнічны сульфат алюмінію
Матчына кампанія	Белнафтахім
Сайт	www.sohim.by

«СветлагорскХімвалакно» (Сахім) — вытворчае аб’яднанне па вытворчасці поліэфірных матэрыялаў, адно з буйных шматпрофільных прадпрыемстваў нафтахімічнага комплексу Рэспублікі Беларусь.

Гісторыя

Будаўніцтва пачалося ў 1960 годзе, а ў 1964 годзе ўжо быў атрыманы першы метр корднай тканіны на заводзе штучнага валакна (ЗШВ), які паклаў пачатак ўзнікненню вытворчага аб’яднання і сёння з’яўляецца ядром прадпрыемства.

У 70-х гадах арганізаваны выпуск тэрмаўстойлівых матэрыялаў, у 80-х — уведзены ў эксплуатацыю ўчастак па вытворчасці вугляродных матэрыялаў.

У 1972 годзе пабудаваны Палац культуры хімікаў.

У 1984 годзе на Светлагорскім вытворчым аб’яднанні «Хімвалакно» пры ўдзеле нямецкіх спецыялістаў было ўведзена ў строй адно з найбуйнейшых вытворчасцяў па выпуску поліэфірнай ніткі ў Еўропе, цяпер вядомае як завода поліэфірных тэкстыльных ніцей (ЗПТН).

У 90-х на ЗШВ — арганізаваны выпуск мяшкоў з плёнкавых поліпрапіленавых нітак, нятканага матэрыялу «спанбонд».

Праведзеная ў 2004 годзе на ЗПТН рэканструкцыя дазволіла асвоіць выпуск мультыфіламентных, фарбаваных ў масе нітак.

У 2006—2007 гадах пачата вытворчасць раўнаважкіх тэкстураваных нітак, нітак з рознай трываласцю пнеўмазлучэнняў, фасонных нітак, нітак поліэфірных ізвітых КДК і з профільным перасек «трылобал». У 2009 годзе асвоена вытворчасць поліэфірных цалкам выцягнутых комплексных нітак (FDY), пачаты выпуск поліэфірных нітак з антыбактэрыйнымі і антыперановымі дадаткамі. 2010—2012 гг. — праект па нарошчванню вытворчых магутнасцяў да ўзроўню 41 тыс. тон.

У 2020 годзе пасля прэзідэнцкіх выбараў і жорсткіх разгонаў мірных пратэстоўцаў працоўнікі «Хімвалакно» намагаліся ўладкаваць забастоўку ля прахадной завода, але большую частку закрылі ў цэхах^[1], да гэтага такой практыкі з боку чыноўнікаў, падчас усебеларускіх стачак, не назіралася.

Восенню 2022 года прадпрыемства трапіла ў спіс спецыяльна прызначаных грамадзян і заблакіраваных асоб ЗША^[2].

Структура

Завод штучнага валакна
Завода поліэфірных тэкстыльных ніцей
СветлагорскХімСэрвіс
Светлатэкс
СахімТранс
Санаторый «Сярэбраныя ключы»

Цікавыя факты

Для транспартнага абслугоўвання прадпрыемства была пабудавана ад станцыі Шацілкі 7 км чыгуначная ветка і станцыя Корд, ад назвы тканіны, вытворчасцю якой займаецца «Хімвалакно».

Зноскі

↑ «Гомсельмаш» і «СветлагорскХімвалакно» збіраліся страйкаваць, але не змаглі — рабочых зачынілі ў цэхах
↑ «СветлагорскХімвалакно» трапіла ў санкцыйны спіс ЗША (нявызн.)(недаступная спасылка). Беларускае Радыё Рацыя. Архівавана з першакрыніцы 28 лютага 2023. Праверана 28 лютага 2023.

Літаратура

Светлагорскае вытворчае аб’яднанне «Хімвалакно» // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 253. — 10 000 экз. — ISBN 985-11-0035-8. — ISBN 985-11-0238-5 (т. 14).
Светлаго́рскі завод сінтэтычнага валакна // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 651. — 800 с. — 5 000 экз. — ISBN 985-11-0026-9.

[1] «Гомсельмаш» і «СветлагорскХімвалакно» збіраліся страйкаваць, але не змаглі — рабочых зачынілі ў цэхах

[2] «СветлагорскХімвалакно» трапіла ў санкцыйны спіс ЗША (нявызн.)(недаступная спасылка). Беларускае Радыё Рацыя. Архівавана з першакрыніцы 28 лютага 2023. Праверана 28 лютага 2023.

[1]

[2]