Свята-Аляксандра-Неўская царква (Слуцк)

Свята-Аляксандра-Неўская царква
	Праваслаўны храм
Свята-Аляксандра-Неўская царква
	53°00′42″ пн. ш. 27°32′19″ у. д.HGЯO
Краіна	Беларусь
Горад	Слуцк, вул. Віленская, 59а
Канфесія	Праваслаўе
Епархія	Слуцкая
Благачынне	Слуцкае
Архітэктар	Ігар Яўмененка
Будаўніцтва	2005—2006 гады
Стан	дзейнічае

Свята-Аляксандра-Неўская царква — драўляны праваслаўны храм у горадзе Слуцку Мінскай вобласці.

Гісторыя[правіць | правіць зыходнік]

Закладзены 15 мая 2005 года на тэрыторыі вайсковай часткі № 32213 (307-я асобная чыгуначная брыгада). Праект падрыхтаваны калектывам пад кіраўніцтвам галоўнага інжынера вайсковага злучэння падпалкоўніка Ігара Яўмененкі. Будаўнічымі работамі кіраваў старэйшы прапаршчык Юрый Сударкін, працавалі старшы сяржант Аляксандр Саламацін і служачы Барыс Біч, а таксама прапаршчыкі Уладзімір Сакалоўскі і Іван Заяц.

Канчаткова завершаны і асвечаны храм быў у маі 2006 года. Царква стала першым палкавым храмам у чыгуначных войсках і буйнейшым храмам у сістэме Міністэрства абароны Рэспублікі Беларусь. Настаяцелем храма да 2015 года з’яўляўся іерэй Іаан Вейга. З 2015 года настаяцелем храма з’яўляецца іерэй Сяргей Рында.

Архітэктура[правіць | правіць зыходнік]

Царква ўзведзена з круглых точаных хваёвых бярвенняў на бетонным падмурку. Гэта крыжовае ў плане цэнтрычнае збудаванне з чацвярыковай вежай-званіцай на галоўным фасадзе. Невысокі чацвярык над сяродкрыжжам завяршае шацёр з купалам на круглым барабане. Падобным купалам таксама завяршаецца шацёр званіцы. Унутраная прастора званіцы раздзелена на тры паверхі. Ніжні служыць уваходным тамбурам. На верхнім, ваконныя праёмы якога закрываюцца аканіцамі, вісяць шэсць званоў, адлітых у мінскай майстэрні «Отменное литьё». Невялікія дэкаратыўныя купалкі ўзвышаюцца над схільнымі дахамі бакавых прыдзелаў і алтарнай апсіды. Акрамя галоўнага ўвахода, ёсць два бакавыя. Сцены прарэзаны прамавугольнымі аконнымі праёмамі. Агульная вышыня храма 17,5, шырыня — 12,5, даўжыня — 18 метраў. Абразы для шасціяруснага іканастаса напісаны мінскім мастаком-іканапісцам Анатолем Мацяшам^[1].

Зноскі

↑ Ігар Ціткоўскі.. Царква Аляксандра Неўскага (нявызн.). Наследие Слуцкого края (5 верасня 2016).

Літаратура[правіць | правіць зыходнік]

Багдашыц С. Храм без единого гвоздя // Інфа-Кур’ер. 2005. № 42.
Достанко А. Заложен камень в основание часовни // Інфа-Кур’ер. 2005. № 19.
Квіткевіч С. Храм палка // Мінская праўда. 20 мая 2006.

[1] Ігар Ціткоўскі.. Царква Аляксандра Неўскага (нявызн.). Наследие Слуцкого края (5 верасня 2016).

[1]

Славутасці Слуцка
Раёны і кварталы	Гарадзішча • Стары горад • Новы горад • Востраў • Трайчаны • Выгода
Умацаванні	Верхні замак^† • Ніжні замак^† • Гарадскія ўмацаванні^†: Цытадэль (Новы замак)^† • Віленская брама^† • Капыльская брама^† • Востраўская брама^† • Навамейская брама^†
Палацы і сядзібы	Палац Радзівілаў^† • Стары палац Радзівілаў^†
Грамадскія будынкі і збудаванні	Ратуша^† • Дваранскі сход^ГКК • Паштовая станцыя^ГКК • Духоўнае вучылішча • Мужчынская гімназія • Дом культуры • Гарадскі стадыён
Музеі	Слуцкі краязнаўчы музей
Помнікі і мемарыялы	Помнік Сафіі Слуцкай
Манастыры, саборы і храмы	Свята-Міхайлаўская царква^ГКК • Свята-Аляксандра-Неўская царква • Трайчанскі манастыр^† • Ільінскі манастыр^† • Свята-Варварынская царква^† • Свята-Мікалаеўскі сабор^† • Свята-Раства-Багародзіцкая царква^† Свята-Казьма-Дзям’янаўская царква • Свята-Іаана-Прадцечанская царква^† • Свята-Успенская царква^† • Свята-Георгіеўская царква^† • Свята-Стэфанаўская царква^† • Свята-Васкрасенская царква^† • Царква Сімяона-Стоўпніка^† • Царква Нараджэння Хрыстовага^† • Надбрамная царква Іаана Багаслова^† • Касцёл Святога Антонія Падуанскага^† і кляштар бернардзінцаў • Касцёл Святога Духа і кляштар езуітаў^† • Касцёл і калегіум езуітаў^† • Фарны касцёл^† • Касцёл Святога Антонія • Свята-Варварынская капліца • Капліца^† • Кальвінскі збор^† • Харальная сінагога^† • Слуцкая халодная сінагога^†
Вуліцы	Віленская вуліца
^† страчаныя аб’екты ^ГКК маюць статус ГКК РБ