Свята-Крыжаўзвіжанская царква (Высокае)
| Праваслаўны храм | |
| Свята-Крыжаўзвіжанская царква | |
|---|---|
 | |
| 52°22′01,38″ пн. ш. 23°22′47,29″ у. д.HGЯO | |
| Краіна |
 Беларусь |
| Горад | Высокае |
| Канфесія | Праваслаўе |
| Епархія | Брэсцкая і Кобрынская |
| Благачынне | Камянецкае |
| Архітэктурны стыль | псеўдарускі |
| Архітэктар | Мікалай Міхайлавіч Чагін |
| Дата пабудовы | 1869 год |
| Статус |
 Гісторыка-культурная каштоўнасць Беларусі, шыфр 113Г000339 |
| Матэрыял | цэгла |
| Стан | дзейнічае |
 |
|
 Медыяфайлы на Вікісховішчы | |
Свята-Крыжаўзвіжанская царква — праваслаўны храм у горадзе Высокае Камянецкага раёна Брэсцкай вобласці.
Гісторыя
[правіць | правіць зыходнік].jpg)
Знаходзіцца ў цэнтры горада. Пабудавана ў 1869 годзе з цэглы на месцы драўлянай царквы 1840 года[1]. Праект храма складзены акадэмікам архітэктуры Мікалаем Чагіным[2] і зацверджаны генералам ад інфатэрыі М. М. Мураўёвым 23 жніўня 1864 года. Будаўніцтва ажыццёўлена на сродкі інсургентаў. Падрадчыкам з’явіўся мешчанін Чарнігаўскай губерні Г. А. Назараў[3].
Архітэктура
[правіць | правіць зыходнік]Помнік архітэктуры рэтраспектыўна-рускага стылю. У аснове прасторавай кампазіцыі кубападобны цэнтрычны аб’ём, шатровы дах якога ўвенчаны 5-купаллем. Да храма па баках далучаюцца прамавугольныя прыдзелы пад двухсхільнымі дахамі, з фронту — прамавугольны прытвор, завершаны шатровай званіцай, з тыльнага фасада — паўкруглая апсіда. Плоскасці фасадаў раскрапаваны лапаткамі, аркатурай, прафіляванымі карнізамі, расчлянёны арачнымі аконнымі праёмамі ў ліштвах.
Інтэр’ер
[правіць | правіць зыходнік]Дэкаратыўна-кампазіцыйным акцэнтам інтэр'ера з’яўляецца двух’ярусны пяцічастковы іканастас (праект Чагіна) у арачным прасвеце апсіды. Над сяродкрыжжам шатровае скляпенне. У літургічным начынні інтэр'ера абразы 16 — 18 ст. «Маці Божая Адзігітрыя» (у драўлянай шаце), «Маці Божая Адзігітрыя» (у металічным абкладзе), «Цуд Архістраціга Міхаіла» і «Троіца» (19ст.).
Зноскі
- ↑ НГАБ у г. Гродна, ф. 1, воп. 19, спр. 1757, арк. 6.
- ↑ Кулагин А. Н. Гродненские зодчие XIX — начала XX веков (новые архивные изыскания). // Пытанні мастацтвазнаўства, этналогіі і фалькларыстыкі. Выпуск 24. — Мінск, «Права і эканоміка». — 2018. — С. 80
- ↑ НГАб у г. Гродна, ф.97, воп. 1, спр. 14, арк. 1 — 14.
Літаратура
[правіць | правіць зыходнік]- Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1984. — Брэсцкая вобласць. — 368 с., іл. — С. 227
- Праваслаўныя храмы Беларусі : энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4
Спасылкі
[правіць | правіць зыходнік]
На Вікісховішчы ёсць медыяфайлы па тэме Свята-Крыжаўзвіжанская царква (Высокае)- Свята-Крыжаўзвіжанская царква (Высокае) на сайце Radzima.org
- Свята-Крыжаўзвіжанская царква (Высокае) на сайце Глобус Беларусі (руск.)
- Свята-Крыжаўзвіжанская царква (Высокае) на сайце «Архіварта»
