Свята-Мікалаеўская царква (Малахоўцы)

Праваслаўны храм
Свята-Мікалаеўская царква
53°02′39,13″ пн. ш. 25°57′23,63″ у. д.
Краіна	Беларусь
Вёска	Малахоўцы
Канфесія	Беларуская праваслаўная царква
Епархія	Пінская і Лунінецкая епархія
Архітэктурны стыль	беларускае народнае дойлідства
Дата пабудовы	1920-я

Свята-Мікалаеўская царква — праваслаўны храм у вёсцы Малахоўцы, Баранавіцкі раён.

Царква ў імя свяціцеля Мікалая Цудатворца знаходзіцца на паўднёвай ускраіне вёскі. Пабудавана ў 1920-х гадах з дрэва, у пачатку 21 стагоддзя абкладзена цэглай.

Архітэктура

Твор народнага дойлідства. Адназрубная пад 4-схільным дахам пабудова з прамавугольнымі прырубамі апсіды з рызніцай і прытворам. Дах завершаны 4-гранным шатровым барабанам. Бакавыя фасады расчлянёны прамавугольнымі аконнымі праёмамі ў арачных ліштвах і ўмацаваны контрфорсамі. Пры ўваходзе ўнутры бакавая лесвіца вядзе на хоры, апсіда вылучана іканастасам.

Вядзецца будаўніцтва званіцы.

Літаратура

• Праваслаўныя храмы Беларусі / А. М. Кулагін, З. Э. Герасімовіч, У. П. Свентахоўскі. — Мн., БелЭн, 2007. — стар. 248.

Спасылкі

• Свята-Мікалаеўская царква (Малахоўцы) на сайце Radzima.org
• Свята-Мікалаеўская царква (Малахоўцы) на сайце Глобус Беларусі (руск.)