Свята-Мікалаеўская царква (Новы Пагост)

Праваслаўная царква
Свята-Мікалаеўская царква
55°29′37″ пн. ш. 27°28′44″ у. д.
Краіна	Беларусь
Вёска	Новы Пагост
Канфесія	Праваслаўе
Епархія	Полацкая і Глыбоцкая
Благачынне	Мёрскае
Архітэктурны стыль	рэтраспектыўна-рускі
Дата пабудовы	1878 год
Стан	дзейнічае
Медыяфайлы на Вікісховішчы

Свята-Мікалаеўская царква — праваслаўны храм у вёсцы Новы Пагост Мёрскага раёна Віцебскай вобласці.

Гісторыя

У цэнтры вёскі. Пабудавана ў 1878 годзе з бутавага каменю і цэглы.

Архітэктура

Помнік сінадальнага накірунку рэтраспектыўна-рускага стылю. Мае кананічную аб’ёмна-прасторавую кампазіцыю: трох’ярусная шатровая званіца, нізкая трапезная, кубападобны аб’ём малітоўнай залы, паўкруглая апсіда. Шатровы дах асноўнага аб’ёму завершаны цыбулепадобным купалам на васьмігранным барабане, шацёр званіцы — макаўкай. У дэкоры фасадаў выкарыстаны формы старажытнарускага царкоўнай архітэктуры: кілепадобныя і руставаныя ліштвы арачных аконных і дзвярнога праёмаў, аркатурныя фрызы, вуглавыя лапаткі — атынкаваныя яны кантрастна вылучаюцца на паліхромным фоне бутавай муроўкі.

Інтэр’ер

У скляпеністым памяшканні малітоўнай залы драўляная скульптура «Укрыжаванне» XVII—XVIII стст., абразы XIX ст. «Маці Божая Адзігітрыя», «Забойства Іаана», «Архангел Гаўрыіл», «Архангел Міхаіл», іканастас.

Літаратура

• Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1985. — Віцебская вобласць. — 496 с., іл. — С. 312
• Праваслаўныя храмы Беларусі: энцыклапедычны даведнік / А. М. Кулагін; [рэд. савет: Г. П. Пашкоў, Л. В. Календа]. — Мн.: Беларуская Энцыклапедыя, 2007. — 653 с. — ISBN 978-985-11-0389-4.

Спасылкі

• На Вікісховішчы ёсць медыяфайлы па тэме Свята-Мікалаеўская царква (Новы Пагост)
• Свята-Мікалаеўская царква (Новы Пагост) на сайце Праваслаўная архітэктура Беларусі (бел.)
• Свята-Мікалаеўская царква (Новы Пагост) на сайце Radzima.org
• Свята-Мікалаеўская царква (Новы Пагост) на сайце Глобус Беларусі (руск.)