Свята-Мікалаеўская царква (Вярховічы)

Праваслаўны храм
Свята-Мікалаеўская царква
52°28′12,75″ пн. ш. 23°30′38,99″ у. д.
Краіна	Беларусь
Вёска	Вярховічы
Канфесія	Беларуская праваслаўная царква
Епархія	Брэсцкая і Кобрынская
Дата пабудовы	1933 год
Статус	Гісторыка-культурная каштоўнасць Беларусі, шыфр 113Г000342
Медыяфайлы на Вікісховішчы

Свята-Мікалаеўская царква — праваслаўны храм у вёсцы Вярховічы Камянецкага раёна Брэсцкай вобласці.

Гісторыя

Знаходзіцца ў цэнтры вёскі. Пабудавана ў пачатку 19 ст. з дрэва як касцёл, які 1866 — 1868 гг. прыстасаваны пад царкву.

Архітэктура

Помнік архітэктуры класіцызму. Вырашана працяглым прамавугольным зрубам, завершаным шматграннай паўкруглай апсідай. Над галоўным фасадам узвышаецца чацверыковая шатровая вежа-званіца. На вальмавым даху над алтарнай часткай — лёгкі слуповы ліхтар з шатровым верхам. Галоўны ўваход аформлены 4-калонным порцікам. Гарызантальна ашаляваныя сцены рытмічна расчлянёны лучковымі аконнымі праёмамі.

Інтэр'ер

Плоская столь малітоўнай залы пераходзіць у зоркавае скляпенне над апсідай, над уваходам — хоры.

Літаратура

• Праваслаўныя храмы Беларусі : энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. - Мінск: Беларуская Энцыклапедыя, 2007. - 653 с. 2000 экз. ISBN 978-985-11-0389-4

Спасылкі

• На Вікісховішчы ёсць медыяфайлы па тэме Свята-Мікалаеўская царква (Вярховічы)
• Свята-Мікалаеўская царква (Вярховічы) на сайце Radzima.org
• Свята-Мікалаеўская царква (Вярховічы) на сайце Глобус Беларусі (руск.)
• Свята-Мікалаеўская царква (Вярховічы) на сайце «Архіварта»