Свята-Мікалаеўская царква (Смаляніца)

Славутасць
Свята-Мікалаеўская царква
52°42′30″ пн. ш. 24°37′57″ у. д.
Краіна	Беларусь
Вёска	Смаляніца
Канфесія	Беларуская праваслаўная царква
Епархія	Брэсцкая і Кобрынская
Дата пабудовы	1903 год
Стан	працуе
Медыяфайлы на Вікісховішчы

Свята-Мікалаеўская царква — праваслаўны храм у в. Смаляніца Пружанскага раёна Брэсцкай вобласці. Знаходзіцца на паўночна-заходняй ускраіне вёскі, каля могілак.

Гісторыя

Пабудавана ў 1903 годзе з цэглы на месцы драўлянага храма.

Архітэктура

Бакавы фасад

Помнік архітэктуры рэтраспектыўна-рускага стылю. Храм чатырохчасткавай падоўжна-восевай кампазіцыі, створанай трох'яруснай званіцай, прамавугольнай у плане трапезнай, кубападобнай малітоўнай залай, пяціграннай апсідай. Шацёр званіцы (2 васьмерыкі на чацверыку) і васьмігранны барабан на чатырохсхільным даху асноўнага аб'ёму завершаны цыбулепадобнымі галоўкамі. Грані верхняга яруса званіцы прарэзаны 4 арачнымі праёмамі і маюць стральчатыя прафіляваныя завяршэнні, якія ствараюць зубчастае акаймаванне гранёнага шатра. Фасады царквы прарэзаны арачнымі аконнымі праёмамі ў прафіляваных ліштвах. У дэкоры выкарыстаны зубчастыя і вуглавыя лапаткі. Уваходны лучковы праём аформлены пластычным парталам з крапаваным франтонам.

Інтэр'ер

Апсіда і трапезная адкрыты ў залу шырокімі арачнымі прасветамі, апсіда вылучана драўляным іканастасам.

Літаратура

• Праваслаўныя храмы Беларусі : энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4

Спасылкі

• На Вікісховішчы ёсць медыяфайлы па тэме Свята-Мікалаеўская царква (Смаляніца)
• Свята-Мікалаеўская царква (Смаляніца) на сайце Глобус Беларусі (руск.)
• Свята-Мікалаеўская царква (Смаляніца) на сайце Radzima.org