Свята-Параскевіцкая царква (Сычы)

Свята-Параскевіцкая царква
	Праваслаўны храм
Свята-Параскевіцкая царква
	52°12′52,30″ пн. ш. 23°28′21,74″ у. д.HGЯO
Краіна	Беларусь
Вёска	Сычы
Канфесія	Беларуская праваслаўная царква
Епархія	Брэсцкая
Дата пабудовы	1822 год
Статус	Гісторыка-культурная каштоўнасць Беларусі, шыфр 113Г000115шыфр 113Г000115
Стан	Дзейнічае
	Медыяфайлы на Вікісховішчы

Свята-Параскевіцкая царква — праваслаўная царква, знаходзіцца ў вёсцы Сычы, Брэсцкі раён, Брэсцкая вобласць. Пабудавана ў 1822 годзе, паводле іншых звестак, у 1881 годзе^[1]. Занесена ў Дзяржаўны спіс гісторыка-культурных каштоўнасцей Рэспублікі Беларусь як аб'ект гісторыка-культурнай спадчыны рэгіянальнага значэння.

Архітэктура[правіць | правіць зыходнік]

Архітэктура вылучаецца спрошчанасцю: кампактны прамавугольны ў плане асноўны аб'ём накрыты двухсхільным дахам з вальмай над алтарнай часткай. Над ім у цэнтры ўзвышаецца цыбулепадобная галоўка на васьмігранным барабане. Такое ж самае завяршэнне мае ўзведзеная над галоўным уваходам трох'ярусная шатровая званіца. Плоскасныя фасады расчлянёны арачнымі аконнымі праёмамі і пілястрамі ў прасценках, апяразаны прафіляваным карнізам^[1].

Кулагін А. М. Праваслаўныя храмы на Беларусі. — Мн.: БелЭн, 2001;
Праваслаўныя храмы Беларусі : энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4