Свята-Петра-Паўлаўская царква (Вензавец)

З пляцоўкі Вікіпедыя
Jump to navigation Jump to search
Праваслаўны храм
Свята-Петра-Паўлаўская царква
Vienzaviec. Вензавец (3.06.2010).jpg
53°25′19″ пн. ш. 25°19′57″ у. д.HGЯO
Краіна Беларусь
Вёска Вензавец
Канфесія Беларуская Праваслаўная Царква
Архітэктурны стыль рэтраспектыўна-рускі стыль
Аўтар праекта Кржыжаноўскі
Дата заснавання 1875
Будаўніцтва 18721874 гады

Свята-Петра-Паўлаўская царква (Гродзенская вобласць)
Свята-Петра-Паўлаўская царква
Свята-Петра-Паўлаўская царква

Свята-Петра-Паўлаўская царква — - праваслаўны храм у імя святых апосталаў Пятра і Паўла ў в. Вензавец Дзятлаўскага раёна. Размешчана ў цэнтры вёскі. Помнік архітэктуры рэтраспектыўна-рускага стылю.

Гісторыя[правіць | правіць зыходнік]

Пабудавана ў 18721874 гг. з цэглы і бутавага каменю.

Царква, фота пач. XX ст.

Папярэдні драўляны храм быў збудаваны ў 1755 г. ў стылі барока ў традыцыях народнага драўлянага дойлідства[1]. Да 1845 г. царква струхнела і патрабавала капітальнага рамонту. У 1860 г. храм канчаткова закрыты для набажэнства. 21 верасня 1865 г. святар А. Васілеўскі звярнуўся да гродзенскага губернатара Скварцова з хадатайствам аб будаўніцтве новага храма. 7 лютага 1869 г. прыхаджане склалі «прыгавор», у якім хадайнічалі перад начальствам. Гродзенскаму грамадзянскаму інжынеру Кржыжаноўскаму было даручана скласці праект мураванай царквы на 350 вернікаў. У 1871 г. старая царква была разабрана і на яе месцы ў цэнтры Вензаўца, пры паштовым тракце Навагрудак — Вільня, узведзена новая мураваная царква.

Архітэктура[правіць | правіць зыходнік]

Падоўжна-восевая сіметрычная прасторавая кампазіцыя храма паслядоўна ўключае трох'ярусную шатровую званіцу (2 васьмерыкі на чацверыку), кароткую трапезную, кубападобны асноўны аб'ём і паўкруглую апсіду. Пакаты чатырохсхільны дах асноўнага аб'ёму завершаны пяцікупаллем, якое дапаўняецца макаўкай званіцы. Атынкаваныя фасады насычаны масіўнай архітэктурнай пластыкай, запазычанай са старажытнарускага царкоўнага дойлідства: вялікія фасадныя арачныя парталы ў кілепадобным абрамленні, какошнікі, прамавугольныя панелі цокаля і званіцы, круглыя прафіляваныя разеткі, плоскасныя ліштвы арачных аконных праёмаў, буйнапрофільны карніз з сухарыкамі. Галоўны ўваход вырашаны масіўным і глыбокім арачным парталам на буйных пілонах.

Зноскі

  1. НГАБ у г. Гродна, ф. 97, воп. 1, спр. 72, арк. 25 — 28 .

Літаратура[правіць | правіць зыходнік]

Спасылкі[правіць | правіць зыходнік]