Свята-Успенская царква (Полацк)

Славутасць
Свята-Успенская царква
55°29′01″ пн. ш. 28°47′40″ у. д.
Краіна	Беларусь
Горад	Полацк
Дата пабудовы	1998 год
Медыяфайлы на Вікісховішчы

Свята-Успенская царква — мураваны стараверскі праваслаўны храм у горадзе Полацку Віцебскай вобласці. Знаходзіцца на вуліцы Гагарына, на правым беразе р. Заходняя Дзвіна.

Гісторыя

Пабудавана ў 1998 годзе з цэглы як стараабрадніцкая.

Архітэктура

Вырашана крыжовым у плане аб’ёмам. Сяродкрыжжа над чырвоным чарапічным дахам завершана 2-ярусным цыліндрычным светлавым барабанам з макаўкай. Над уваходам 2-ярусная шатровая званіца. У вуглах стыкавання прытвора і прыдзелаў прыбудаваны акруглыя рызніцы. Паўкруглая апсіда крапавана арачнымі блендамі і накрыта конусападобным бляшаным дахам. Бакавыя прыдзелы завершаны трохвугольнымі франтонамі. Галоўны ўваход вырашаны арачным 4-слуповым ганкам-паперцю, бакавыя — бляшанымі арачнымі навісямі. Унутры пануе прастора сяродкрыжжа са светлавым барабанам, у якую адкрываюцца шырокімі арачнымі прасветамі бакавыя прыдзелы, апсіда і прытвор з хорамі наверсе. Пад будынкам на цокальным паверсе створана трапезная з дапаможнымі памяшканнямі.

Літаратура

• Полоцкие староверы — поморская ветвь // Витебский курьер. — 1998. — 15 мая. — С. 3.
• Свята-Успенская царква // Праваслаўныя храмы на Беларусі : энцыклапедычны даведнік / А. М. Кулагін; мастак І. І. Бокі. — Мінск : БелЭн, 2001. — С. 164.
• Царква ў гонар Успення прасвятой Багародзіцы // Праваслаўныя храмы Беларусі : энцыклапедычны даведнік / А. М. Кулагін; маст.: З. Э. Герасімовіч, У. П. Свентахоўскі. — Мінск : БелЭн, 2007. — С. 336.
• Шуйская, О. С верой предков / О. Шуйская // Полацкі веснік. — 2010. — 5 кастр. — С. 5.

Спасылкі

• На Вікісховішчы ёсць медыяфайлы па тэме Свята-Успенская царква (Полацк)
• Свята-Успенская царква (Полацк) на сайце Глобус Беларусі (руск.)