Перайсці да зместу

Святлана Іванаўна Герасіменка

З Вікіпедыі, свабоднай энцыклапедыі
У Вікіпедыі ёсць артыкулы пра іншых людзей з прозвішчам Герасіменка.
Святлана Іванаўна Герасіменка
укр.: Світлана Герасименко
Дата нараджэння 23 лютага 1945(1945-02-23)[1]
Месца нараджэння
Дата смерці 8 красавіка 2025(2025-04-08)[2] (80 гадоў)
Грамадзянства
Род дзейнасці астраном
Навуковая сфера астраномія
Альма-матар
Лагатып Вікіцытатніка Цытаты ў Вікіцытатніку
Лагатып Вікісховішча Медыяфайлы на Вікісховішчы

Святлана Іванаўна Герасіменка (укр.: Світлана Іванівна Герасименко; 23 лютага 1945(1945-02-23)[1], Барышыўка, Кіеўская вобласць — 8 красавіка 2025(2025-04-08)[2]) — савецкі і таджыкістанскі астраном, адкрывальнік Каметы Чурумава — Герасіменка, лаўрэат Дзяржаўнай прэміі Рэспублікі Таджыкістан за дасягненні ў галіне навукі і тэхнікі імя Абу Алі Ібн Сіна (Авіцэны) за 2017 год за адкрыццё Каметы Чурумава — Герасіменка [3]

Біяграфія

[правіць | правіць зыходнік]

Нарадзілася ў 1945 годзе ў пасёлку Барышаўка Кіеўскай вобласці ў сям’і настаўнікаў[4].

У 1968 годзе скончыла кафедру астраноміі Кіеўскага універсітэта, пасля паступіла ў аспірантуру. У верасні 1969 разам з Клімам Чурумавым, супрацоўнікам Галоўнай астранамічнай абсерваторыі НАН Украіны, адправілася ў экспедыцыю ў Алматы для назірання камет на пяцідзесяцісантымятровым тэлескопе. У ноч з 11 на 12 верасня 1969 года, назіраючы камету Комас-Сола, зрабілі фота, на якім апынулася яшчэ адна камета, якая атрымала назву па імёнах першаадкрывальнікаў — Камета Чурумава — Герасіменка.

У 1973 годзе па запрашэнні Інстытута астрафізікі Таджыкістана пераехала ў Душанбэ, дзе працавала навуковай супрацоўніцай гэтага інстытута, праводзіла назіранні і вывучэнне камет.

2 сакавіка 2004 года Святлана Герасіменка разам з Клімам Чурумавым прысутнічала на касмадроме Куру у Французскай Гвіяне пры запуску Еўрапейскага міжпланетнага зонда «Разета», які адправіўся да каметы Чурумава — Герасіменка. Зонд дасягнуў каметы ў лістападзе 2014 года, а 12 лістапада ад яго аддзяліўся пасадачны модуль «Філы», які выканаў 7-гадзіннае збліжэнне і на працягу інтэрвалу 18:33…20:33 па беларускім часе здзейсніў першую ў гісторыі паспяховую пасадку на камету (тры пасадкі з двума адскокамі).

Ушанаванне памяці

[правіць | правіць зыходнік]
  • Імем Святланы Герасіменка названы астэроід № 3945, адкрыты ў 1982 годзе Мікалаем Чарных[5].

Зноскі

  1. ↑ а б ASTRONOMER Svetlana Gerasimenko Праверана 8 красавіка 2025.
  2. ↑ а б Скончалась таджикский астроном Светлана Герасименко, открывшая комету 67P/Чурюмова–Герасименко Праверана 8 красавіка 2025.
  3. ↑ Светлана Герасименко получит за свою комету госпремию Таджикистана имени Абуали ибн Сино | Новости Таджикистана ASIA-Plus (руск.)(недаступная спасылка). news.tj. Архівавана з першакрыніцы 13 ліпеня 2019. Праверана 13 ліпеня 2019.
  4. ↑ Анора Саркорова. Герасименко: я открыла комету случайно (руск.). Праверана 18 лістапада 2014.
  5. ↑ База даных MPC па малых целах Сонечнай сістэмы 3945

Спасылкі

[правіць | правіць зыходнік]
Узята з "https://be.wikipedia.org/w/index.php?title=Святлана_Іванаўна_Герасіменка&oldid=4972171"