Святлана Дзмітрыеўна Шылава

Святлана Дзмітрыеўна Шылава
дэпутат Палаты прадстаўнікоў Нацыянальнага сходу Рэспублікі Беларусь 18 кастрычніка 2012 — 11 кастрычніка 2016
дэпутат Палаты прадстаўнікоў Нацыянальнага сходу Рэспублікі Беларусь 27 кастрычніка 2008 — 18 кастрычніка 2012
Нараджэнне	18 красавіка 1961(1961-04-18) (62 гады) Ульянавічы, Ульянавіцкі сельсавет, Сенненскі раён, Віцебская вобласць, БССР, СССР
Член у	Беларускі саюз жанчын
Адукацыя	БДМУ Міністэрства аховы здароўя Рэспублікі Беларусь
Навуковая ступень	кандыдат медыцынскіх навук
Навуковае званне	дацэнт
Дзейнасць	урач, палітык, акушэр, гінеколаг, акушэр-гінеколаг, выкладчыца ўніверсітэта, прарэктар
Месца працы	БДМУ
Узнагароды	Ганаровая грамата Нацыянальнага сходу Рэспублікі Беларусь

Святлана Дзмітрыеўна Шылава (18 красавіка 1961, в. Ульянавічы, Сенненскі раён, Віцебская вобласць) — беларускі палітык, дэпутат Палаты прадстаўнікоў Нацыянальнага сходу Рэспублікі Беларусь V склікання. Кандыдат медыцынскіх навук, дацэнт.

Біяграфія

Нарадзілася 18 красавіка 1961 года ў в. Ульянавічы Сенненскага раёна Віцебскай вобласці.

Скончыла Мінскі дзяржаўны медыцынскі інстытут, аспірантуру па спецыяльнасці «Акушэрства і гінекалогія».

Працоўны шлях пачала санітаркай цэнтральнай раённай бальніцы г. Сянно. Працавала медыцынскай сястрой, урачом-акушэрам-гінеколагам, старшынёй прафкама 5-й клінічнай бальніцы г. Мінска; асістэнтам, дацэнтам кафедры акушэрства і гінекалогіі Беларускага дзяржаўнага медыцынскага ўніверсітэта; галоўным акушэрам-гінеколагам Міністэрства аховы здароўя Рэспублікі Беларусь.

З’яўлялася дэпутатам Палаты прадстаўнікоў Нацыянальнага сходу Рэспублікі Беларусь чацвёртага склікання, была намеснікам старшыні Пастаяннай камісіі па ахове здароўя, фізічнай культуры, справах сям’і і моладзі.

У 2012—2016 гадах дэпутат Палаты прадстаўнікоў Нацыянальнага сходу Рэспублікі Беларусь V склікання.

Працуе прарэктарам па лячэбнай рабоце Беларускага дзяржаўнага медыцынскага ўніверсітэта.

Узнагароды

• Заслужаны работнік аховы здароўя Рэспублікі Беларусь (2021).

Узнагароджана ганаровымі граматамі камітэта па ахове здароўя Мінскага гарадскога выканаўчага камітэта, Міністэрства аховы здароўя Рэспублікі Беларусь, нагрудным знакам «Выдатнік аховы здароўя Рэспублікі Беларусь», Ганаровай граматай Нацыянальнага сходу Рэспублікі Беларусь. Мае Падзяку і падзячны ліст Прэзідэнта Рэспублікі Беларусь.

Асабістае жыццё

Замужам, выхавала траіх дзяцей.

Спасылкі

• Дасье на сайце Палаты прадстаўнікоў Нацыянальнага сходу Рэспублікі Беларусь(недаступная спасылка) (бел.)