Себасцьян Курц

Себасцьян Курц ням.: Sebastian Kurz
25-ы Федэральны канцлер Аўстрыі
18 снежня 2017 — 28 мая 2019
Прэзідэнт	Аляксандр Ван дэр Бэлен
Папярэднік	Крысціян Керн
Пераемнік	Брыгітэ Бірляйн
36-ы Міністр замежных спраў Аўстрыі
16 снежня 2013 — 18 снежня 2017
Прэм’ер-міністр	Вернер Файман Крысціян Керн
Прэзідэнт	Хайнц Фішэр Аляксандр Ван дэр Бэлен
Папярэднік	Міхаэль Шпіндэлегер
Пераемнік	Карын Кнайсль
27-ы Старшыня АБСЕ
1 студзеня – 18 снежня 2017
Папярэднік	Франк-Вальтэр Штайнмаер
Пераемнік	Анджэліна Альфано
Партыя	Аўстрыйская народная партыя
Адукацыя	Венскі ўніверсітэт (2011) GRG 12 Erlgasse[d] (2004)
Дзейнасць	палітык
Месца працы	Федэральны Урад Аўстрыі
Веравызнанне	каталіцтва
Нараджэнне	27 жніўня 1986(1986-08-27)[…] (34 гады) Вена, Аўстрыя
Сайт	sebastian-kurz.at
Аўтограф

Себасцьян Курц (ням.: Sebastian Kurz; нар. 27 жніўня 1986, Вена, Аўстрыя) — аўстрыйскі дзяржаўны і палітычны дзеяч. Міністр замежных спраў і інтэграцыі Аўстрыі з 16 снежня 2013 па 2017. Самы малады міністр замежных спраў у свеце. Федэральны канцлер Аўстрыі з 2017 па 2019, паўторна з 2020.

Біяграфія

Нарадзіўся ў 1986 годзе ў Вене ў сям’і інжынера і настаўніцы. Адразу пасля школы пайшоў адслужыць тэрміновую службу ў войску. Пасля службы паступіў на юрфак Венскага ўніверсітэта.

У Аўстрыйскую народную партыю Курц уступіў у 17 гадоў. А ў 23 гады, студэнтам, стаў лідарам моладзевага крыла АНП. У красавіку 2011 стаў дзяржаўным сакратаром па справах інтэграцыі, а праз два гады, у 26 гадоў, узначаліў аўстрыйскае Міністэрства замежных спраў. Адметна, што на момант прызначэння міністрам Себасцьян Курц яшчэ з’яўляўся студэнтам і не меў скончанай вышэйшай адукацыі. Ён быў вымушаны пакінуць універсітэт на 13-м семестры, не давучыўшыся да дыплома.

15 кастрычніка 2017 года ў Аўстрыі прайшлі парламенцкія выбары. Першае месца заняла кансерватыўная Аўстрыйская народная партыя. Яе лідар, 31-гадовы Себасцьян Курц стаў Федэральным канцлерам Аўстрыі.

Новы канцлер Аўстрыі ў снежні заявіў, што Еўрасаюз павінен перагледзець сваю палітыку ў пытанні размеркавання мігрантаў. «Мігранты на сваім шляху ў Еўропу не хочуць у Балгарыю ці Венгрыю — з большага яны жадаюць трапіць у Германію, Аўстрыю ці Швецыю», — адзначыў Курц. Ён лічыць, што паколькі мяжа паміж эканамічнымі мігрантамі і ўцекачамі размытая, то лепш дапамагаць ім унутры іх уласных краін, а калі не атрымліваецца гэта — то ўнутры іх краін-суседак.

У студзені 2018 Федэральным канцлер Аўстрыі Себасцьян Курц выступіў за паэтапную адмену санкцый, уведзеных у дачыненні да Расіі.

На выбарах у Еўрапарламент 26 мая 2019 года Аўстрыйская народная партыя перамагла з 35,4 % галасоў.

27 мая 2019 года парламент Аўстрыі вынес вотум недаверу канцлеру Себасцьяну Курцу на фоне ўрадавага крызісу. Рашэннем парламента Себасцьяна Курца і членаў яго ўрада адхілілі. Урадавы крызіс разгарэўся ў Аўстрыі пасля таго, як нямецкія журналісты апублікавалі відэа, на якім віцэ-канцлер Аўстрыі і лідар ультраправай Аўстрыйскай партыі свабоды (якая ўваходзіла ў кіруючую кааліцыю) Хайнц-Крысціян Штрахе перад выбарамі ў парламент 2017 года вядзе перамовы з нібыта пляменніцай расійскага алігарха на Ібіцы; меркавалася, што тая павінна была дапамагчы віцэ-канцлеру перамагчы на ​​выбарах, за што ён паабяцаў перадаць ёй частку дзяржзамоў ў галіне будаўніцтва.

Аднак АНП перамагла на датэрміновых выбарах, набраўшы 38,4 % галасоў. Яе лідар змог дамовіцца аб урадавай кааліцыі з «Зялёнымі». 7 студзеня 2020 года Себасцьян Курц ізноў узначаліў Аўстрыю, заняўшы пасаду канцлера краіны.