Северо-Западная жизнь

З пляцоўкі Вікіпедыя
Jump to navigation Jump to search
Тып газета

Заснавана 1 студзеня 1911
Спыненне публікацый 5 верасня 1915

«Паўночна-Заходняе жыццё» (руск.: Северо-Западная жизнь) — газета, якая выходзіла ў Паўночна-Заходнім краі з 1 студзеня 1911 па 5 верасня 1915 году (з 1 студзеня па 10 жніўня 1911 году называлася «Беларускае жыццё» (руск.: Белорусская жизнь)).

Газету заснаваў Лук'ян Міхайлавіч Саланевіч, былы сельскі настаўнік Пружанскага павета Гродзенскай губерні. Працуючы настаўнікам, ён пісаў заметкі і артыкулы ў розныя газеты краю, і яго журналісцкая дзейнасць была заўважаная Пятром Сталыпіным (тады — губернатар Гродзенскай губерні), які дапамог яму з пераездам у горад, дзе Лук'ян Міхайлавіч праз некаторы час заснаваў уласную газету.

Лук'ян Міхайлавіч — бацька вядомага мысляра Івана Саланевіча, і менавіта ў бацькавай газеце Саланевіч-малодшы публікаваў свае першыя артыкулы. Газета стаяла на пазіцыях манархізма, заходнерусізма, падзяляла погляды рускіх нацыяналістаў. Паводле ўспамінаў І. Л. Саланевіча, яму некалькі разоў прыходзілася абараняць сваю друкарню ад яўрэйскіх рэвалюцыянераў, прычым у адным выпадку справа дайшла да стральбы[1].

Усяго выйшла каля 110 нумароў. Спачатку выходзіла ў Вільні, з 3 мая 1912 — у Гродна, з 9 сакавіка 1913 — у Мінску.

Зноскі

  1. Смолин М. Б. Монархизм как любовь. Штрихи к портрету Ивана Солоневича // Наша страна. ХХ век. / Солоневич И. Л. — М.: Москва, 2001. — 448 c. ISBN 5-89097-038-0

Літаратура[правіць | правіць зыходнік]

  • Конан, У. «Северо-Западная жизнь» / Уладзімір Конан // Энцыклапедыя гісторыі Беларусі: У 6 т. / БелЭн; Рэдкал.: Г. П. Пашкоў (гал. рэд.) і інш.; Маст. Э. Э. Жакевіч. Т. 6. Кн. 1: Пузыны — Усая. — Мн.: БелЭн, 2001. — 591 с.: іл. — С. 274. — ISBN 985-11-0214-8.