Селішча (Янушкавіцкі сельсавет)

Хутар Селішча Краіна Беларусь Вобласць Мінская Раён Лагойскі Сельсавет Янушкавіцкі Каардынаты 54°13′52″ пн. ш. 27°33′56″ у. д. Нацыянальны склад беларусы і інш. Часавы пояс UTC+3 Тэлефонны код 1774 Аўтамабільны код 5 Селішча на карце Беларусі ±

Се́лішча (руск.: Селище) — скасаваны хутар (засценак) у Гайна-Слабадскай воласці Барысаўскага павета Мінскай губерні (цяпер — у Лагойскім раёне Мінскай вобласці). Размешчаны за 30 км на поўнач ад Мінска паміж вёскамі Харужынцы, Вялікія Бесяды і Баяры. У Селішчах на працягу 9 гадоў жыла сям’я беларускага паэта Янкі Купалы.

Геаграфія

Размешчаны за 30 км на поўнач ад Мінска паміж вёскамі Харужынцы, Вялікія Бесяды і Баяры.

Селішча і Янка Купала

Бацькі Янкі Купалы арандавалі зямлю ў паселішчы ў памешчыцы Манюшкі ў 1895—1904 гадах. Тут Купала напісаў свае першыя вершы: на польскай мове (прысвечаны сястры Леакадзіі ў дзень яе імянін) і найбольш раннія з вядомых твораў маладога паэта Луцэвіча, напісаных па-беларуску, — верш «Мая доля», датаваны 15 ліпеня 1904 года. У Селішчах Купала вырашыў паехаць вучыцца ў народнае вучылішча ў Бяларучах.

У гэты час Купала шмат чытаў, кнігі браў у Зыгмунта Чаховіча, удзельніка паўстання 1863—1864, які жыў непадалёк у маёнтку Бесяды.

Янка Купала працаваў не толькі на сваёй гаспадарцы, але таксама шукаў працу ў іншых месцах — хатнім настаўнікам, прыказчыкам у панскім маёнтку і інш. У 1903 годзе ўпершыню ненадоўга пакінуў дом у Селішчах.

У 1904 годзе сям’я Луцэвічаў з’ехала з Селішчаў і пераехала ў вёску Бараўцы.

Былая сядзіба

Сёння на месцы былога засценка над зялёнай рунню ўзвышаецца курганок з купінай дрэў. Былыя хаты, падвалы і адрыны стаялі ніжэй — там, дзе цяпер лес. Там быў і сад. У нізкім месцы цёк ручай, біла крыніца. На гары знаходзілася пуня.

Літаратура

• Янка Купала: Энцыкл. даведнік / БелСЭ; Рэдкал.: І. П. Шамякін (гал. рэд.) і інш. — Мн., БелСЭ, 1986. — 727 с, 26 л. іл.; Артыкул «Янка Купала» / Аўтар — А. Лойка. — С. 5—20; Артыкул «Бараўцы» / Аўтар — Ж. Дапкюнас. — С. 64; Артыкул «Селішча» / Аўтар — Н. Капранава. — С. 555.
• Энцыклапедычны даведнік «Янка Купала». Артыкул «Селішча». — Мн., БелСЭ, 1986. — С. 555.
• Лойка Алег. Акопы або У прадчуванні рэвалюцыі. ― У яго кн.: Як агонь, як вада…: Раман-эсэ пра Янку Купалу. ― Мн., 1984.
• Содаль, Уладзімер. Пуцявінамі сейбіта. ― Мн., 1982.
• Цвірка, Кастусь. Той курган векавечны…: Сцяжыны вандровак. ― Мн., 1985. ― С. 186―205.
• Чырскі, Мікалай. Гасцінцам Купалы. ― Мн., 2002. ― 36 с.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх