Сержы Лопес

Сержы Лопес
катал.: Sergi López i Ayats
Дата нараджэння	22 снежня 1965(1965-12-22) (60 гадоў)
Месца нараджэння	Віланова-і-ля-Жэлтру[d], Гараф[d], правінцыя Барселона, Каталонія, Іспанія
Грамадзянства	Іспанія
Адукацыя	Liceo Gregorio Cordovez[d]
Прафесія	тэатральны акцёр, кінаакцёр, акцёр агучвання, тэлеакцёр
Узнагароды	Еўрапейская кінапрэмія найлепшаму еўрапейскаму акцёру (2000) прэмія «Сезар» за найлепшую мужчынскую ролю (2001)
IMDb	ID 0530365
Медыяфайлы на Вікісховішчы

Сержы Лопес-і-Аяц (катал.: Sergi López i Ayats; нар. 22 снежня 1965) — іспанскі акцёр каталонскага паходжання.

Біяграфія

Нарадзіўся 22 снежня 1965 года ў мястэчку Віланова-і-ла-Жэлтру, правінцыя Барселона, Каталонія, Іспанія.

Здымацца ў кіно пачаў у самым пачатку 1990-х гадоў, яго дэбютам у кіно стаў фільм Мануэля Пур’е «Сяброўка Антоніа» (1992). Акцёра заўважылі пасля рамантычнай камедыі Пур’е «Вестэрн» (1997), адзначанай Прызам журы Канскага кінафестывалю.

Лопес працягваў здымацца як у роднай Іспаніі, так і ў Францыі. У 1998 годзе ён сыграў разам з зоркай іспанскага кінематографа Вікторыяй Абрыль у эратычнай драме Мануэля Гомеса Перэйры «Між ног», а ў 1999 годзе зняўся ў любоўнай карціне «Лісабон» з Кармен Маўрай.

Вялікую цікавасць як у Еўропе, так і ў Амерыцы выклікала любоўная драма Фрэдэрыка Фантэйна «Парнаграфічная сувязь» (1999), у якой партнёркай Сержы Лопеса выступала французская зорка Наталі Бай. Крытыкі па абодва бакі Атлантыкі высока ацанілі і сам фільм, і выдатную ігру абаіх акцёраў.

У 2000 годзе на экраны выйшла карціна Дамініка Моля «Гары — сябар, што жадае вам дабра» — псіхалагічны трылер, шчодра прыпраўлены «чорным гумарам». За цудоўнае выкананне галоўнай ролі Лопес быў удастоены прэміі «Сезар» і «Еўрапейскай кінапрэміі», як найлепшы акцёр.

Выбраная фільмаграфія

• «Сяброўка Антоніа» (1992)
• «Вестэрн» (1997)
• «Між ног» (1999)
• «Лісабон» (1999)
• «Парнаграфічная сувязь» (1999)
• «Гары — сябар, што жадае вам дабра» (2000)
• «Лабірынт фаўна» (2006)

Спасылкі

• Сержы Лопес на сайце «Internet Movie Database»