Скочкі

Скочкі
Скочкі дахавыя (Sempervivum tectorum)
Навуковая класіфікацыя
Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Каменяломнікакветныя Сямейства:  Таўсцянкавыя Род:  Скочкі
Міжнародная навуковая назва
Sempervivum L., Sp. Pl. 1: 464, 1753
Сістэматыка на Віківідах Выявы на Вікісховішчы ITIS   500552 NCBI   23030 EOL   61406 GRIN   g:11061 IPNI   12245-1

Скочкі, Гарлянка (Sempervívum) — род кветкавых раслін сямейства Таўсцянкавыя (Crassulaceae).

Батанічнае апісанне

Шматгадовыя травяністыя расліны вышынёю да 40 см. Лісце мясістае, чаргаванае, ніжняе — у шчыльнай разетцы. Неквітучыя атожылкі ў выглядзе шарападобных разетак. Кветкі двухполыя, белыя, жоўтыя, ружовыя, чырвоныя ці пурпурныя ў шчыткападобна-мяцёлчатых суквеццях. Плод — лістоўка. Пасля плоданашэння расліна адмірае.

Арэал

Адрозніваецца каля 30 відаў. Пашыраны ў Еўразіі і Паўночна-Заходняй Афрыцы. На Беларусі сустракаюцца скочкі атожылкавыя (Sempervivum sobolifera), якія часта выдзяляюць у род Jovibarba, трапляюцца па сухіх пясчаных месцах у хваёвых лясах. Як дэкаратыўныя расліны вырошчваюць скочкі дахавыя (Sempervivum tectorum) і скочкі каўказскія (Sempervivum caucasicum).

Значэнне і выкарыстанне

Дэкаратыўныя, лекавыя, харчовыя, меданосныя расліны. Лісце і маладыя парасткі спажываюць як салату.

Літаратура

• Скуратовіч Л. Скочкі // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2002. — Т. 14: Рэле — Слаявіна. — С. 469. — 512 с. — 10 000 экз. — ISBN 985-11-0238-5 (т. 14), ISBN 985-11-0035-8.
• Скочкі // Энцыклапедыя прыроды Беларусі. У 5-і т. Т. 4. Недалька — Стаўраліт / Рэдкал. І. П. Шамякін (гал. рэд.) і інш. — Мн.: БелСЭ ім. Петруся Броўкі, 1985. — 599 с., іл. — 10 000 экз. — С. 522—523.

Спасылкі

• Молодило — род Sempervivum: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.) 
• Sempervivum(англ.)  // The Plant List
• Sempervivum // ИАС «ООПТ России»(руск.) 
• Genus: Sempervivum L.(англ.)  // Germplasm Resources Information Network (GRIN-Taxonomy)