Слава Украіне!

З пляцоўкі Вікіпедыя
Jump to navigation Jump to search
Надпіс «Слава Україні» на помніку незалежнасці ў Харкаве.

Слава Украіне! (укр.: Слава Україні!) — украінскае вітанне. Лозунг украінскіх нацыяналістаў Слава Націі (укр.: Слава Нації!).

Гэтае вітанне выкарыстоўвалі ў часы Укранскай Народнай Рэспублікі (УНР) і міжваенны гады. «Слава Украіне — Героям Слава!» (укр.: Слава Україні — Героям Слава!) было распаўсюджана ва Украінскай паўстанчай арміі (УПА), падкантрольнай Арганізацыі ўкраінскіх нацыяналістаў рэвалюцыйнай (укр.: Організація українських націоналістів революційна (ОУНр)). У кананічнай АУН-УПА пад кіраўніцтвам Андрэя Мельніка замест гэтага ўжывалі «Слава Украіне — Навекі Слава!» (укр.: Слава Україні — Навіки Слава!).

«Слава Украіне! Героям слава!» з’яўляецца лозунгам Кангрэсу ўкраінскіх нацыяналістаў.

У апошні час лозунг таксама набыў папулярнасць як падбадзёрлівы вокліч падчас масавых спартыўных спаборніцтваў — асабліва ў Заходняй і Цэнтральнай Украіне. Гэты лозунг таксама набывае папулярнасць сярод замежнікаў, якія прыязджаюць ва Украіну на спартыўныя спаборніцтвы. Шырока выкарыстоўваецца ва Украіне з канца 2013 года падчас і пасля Еўрамайдана.

4 кастрычніка 2018 года Вярхоўная Рада Украіны прыняла Закон «Аб унясенні змяненняў у статуты Узброеных Сіл Украіны». На афіцыйным узроўні зацверджана новае прывітанне ва ўкраінскай арміі, якое было прэзентавана падчас параду на Дзень незалежнасці ў Кіеве: «Слава Украіне» — «Героям Слава». Таксама дакумент уносіць змены ў статуты ВСУ, дзе слова «таварыш» замянілі на «пан» і «пані»[1].

Зноскі