Слоўнік новых запазычаных слоў беларускай мовы
| Слоўнік новых запазычаных слоў беларускай мовы | |
|---|---|
 | |
| Аўтар | Вікторыя Іванаўна Уласевіч і Наталля Мікалаеўна Даўгулевіч |
| Мова арыгінала | беларуская |
| Выдавецтва | Беларусь |
| Выпуск | 2023 |
| Старонак | 174 с. |
| ISBN | 978-985-01-1695-6 |
Слоўнік новых запазычаных слоў беларускай мовы — слоўнік неалагізмаў у беларускай мове, выдадзены ў 2023 годзе. Першым у беларускім мовазнаўстве слоўнік такога тыпу. Аўтарамі-ўкладальнікамі слоўніка з’яўляюцца В. І. Уласевіч, Н. М. Даўгулевіч[1].
У слоўніку зафіксавана новая запазычаная лексіка, якая з’явілася ў першай чвэрці ХХІ ст. і актыўна выкарыстоўваецца ў сучаснай беларускай мове: акаўнт, данат, дыслайк, майнінг, фрылансер, смайл (смайлік), скрыншот, фэйк і інш. У некаторых выпадках фіксуюцца словы, што былі запазычаны ў больш ранні перыяд (у канцы ХХ ст.), зафіксаваны ў апошніх слоўніках беларускай мовы, але не згубілі адцення навізны[1].
У слоўніку выкарыстаны матэрыялы з папярэдніх выданняў названых аўтараў — «Слоўніка новых слоў беларускай мовы» (2009) і «Беларуска-рускага тлумачальнага слоўніка новых слоў і новых значэнняў слоў» (2013), а таксама асабістая картатэка. Усяго зафіксавана каля 2500 лексічных адзінак, значная частка з якіх не была апісана раней і фіксуецца ў слоўніку ўпершыню[1].
Бібліяграфія
[правіць | правіць зыходнік]- Слоўнік новых запазычаных слоў беларускай мовы / В. І. Уласевіч, Н. М. Даўгулевіч. — Мінск : Беларусь, 2023. — 174, [1] с. ; 25 см. — 1500 экз. — ISBN 978-985-01-1695-6
Крыніцы
[правіць | правіць зыходнік]- ↑ а б в Сучасная беларуская літаратурная мова : вучэбны дапаможнік для студэнтаў устаноў вышэйшай адукацыі па філалагічных спецыяльнасцях / [Д. В. Дзятко і інш.] ; пад рэдакцыяй Д. В. Дзятко. — 2-е выд., папраўленае і дапоўненае. — Мінск: Вышэйшая школа, 2020. — 588 с. — ISBN 978-985-06-3185-5.