Смыга

Пасёлак гарадскога тыпу Смыга укр.: Смига Краіна Украіна Вобласць Ровенская вобласць Раён Дубенскі раён Каардынаты 50°14′24″ пн. ш. 25°45′57″ у. д. Заснаваны 1861 Першае згадванне 1861 Ранейшыя назвы Кенеберг ПГТ з 1981 Плошча 34,17 км² Вышыня цэнтра 224 ± 1 м Насельніцтва 2700 чалавек (2017) Шчыльнасць 77,7 чал./км² Часавы пояс UTC+2, летам UTC+3 Тэлефонны код +380-3656 Паштовы індэкс 35680 Афіцыйны сайт gska2.rada.gov.ua/pls/z7… Смыга на карце Украіны ±

Смыга на Вікісховішчы

Смыга (укр.: Смига) — пасёлак гарадскога тыпу ў Дубенскім раёне Ровенскай вобласці Украіны, чыгуначная станцыя на лініі Крэменец - Камяніца-Валынская. Праз мястэчка праходзіць аўтадарога Дубна - Крэменец.

Гісторыя

Заснавана ў 1861 г. пад назвай Кенеберг. У 1890 г. уладальнік мясцовасці граф Берг, які жыў у Студзінцы, запрашае з Прусіі і пасяляе тут дзесяць сем'яў немцаў спецыялістаў-клянкараў. Яны з дуба выраблялі клянкі да бочак з півам, віном і гарэлкай. Было пабудавана два вялікіх склада для гатовай прадукцыі. Паселішча немцаў спачатку не мела назвы. У знак падзякі свайму гаспадару графу Бергу паселішча назвалі Кененберг, гэта значыць па прозвішчы двух уладальнікаў, Кенэ і Берга таму, што Берг прадаў немцу Кенэ лес. І тут Кенэ збудаваў тартак і пачаў распілоўваць драўніну. Для рабочых ён пабудаваў два баракі, а потым сюды перасяліліся і лесарубы. Паводле падання ў 1906 г. Берг, а магчыма і Кенэ, праклаў чыгунку, але праз пяць гадоў усё гэта прадаў барону Струвэ з Даніі. З часам Стувэ пашырыў магутнасці тартака, збудаваў вузкакалейку, млын, наладзіў вытворчасць гонты і іншы дрэваапрацоўчы промысел. Але перад Першай сусветнай вайной амаль усе немцы павяртаюцца да Прусіі.