Сонечнае ядро

З пляцоўкі Вікіпедыя
Перайсці да: рух, знайсці
Структура Сонца

Сонечнае ядро, як мяркуюць фізікі, распасціраецца ад цэнтра Сонца на адлегласць у 175 000 км (прыблізна 0,2 сонечнага радыусу). Ядро — самая гарачая частка Сонца, тэмпература ў ядры складае 15 000 000 К (для параўнання: тэмпература паверхні роўная 6000 К). Шчыльнасць ядра — 150 000 кг/м³ (у 150 разоў вышэй шчыльнасці вады на Зямлі).

Аналіз дадзеных, атрыманых касмічным апаратам SOHO, паказаў, што ў ядры хуткасць кручэння Сонца вакол сваёй восі значна вышэй, чым на паверхні.[1]

Энергія ядра[правіць | правіць зыходнік]

У ядры ажыццяўляецца пратон-пратонная тэрмаядзерная рэакцыя, у выніку якой з чатырох пратонаў утворыцца гелій-4. Пры гэтым кожную секунду ў энергію ператвараюцца 4,26 мільёна тон рэчыва (3,6×1038 пратонаў), аднак гэтая велічыня нікчэмная ў параўнанні з масай Сонца — 2×1027 тон. Магутнасць ядра роўная 380 йотаватам (3,8×1026 Ват, што эквівалентна дэтанацыі 9,1×1010 мегатон трацілу ў секунду.

Ядро — адзінае месца на Сонцы, у якім энергія і цяпло атрымліваецца ад тэрмаядзернай рэакцыі, астатняя частка зоркі нагрэтая гэтай энергіяй. Уся энергія ядра паслядоўна праходзіць скрозь пласты, аж да фотасферы, з якой выпраменьваецца ў выглядзе сонечнага святла і кінетычнай энергіі.

Пераўтварэнне энергіі[правіць | правіць зыходнік]

Падчас руху высокаэнергетычных фатонаў (гама і рэнтген-промні) да паверхні Сонца, яны рассейваюць частку энергіі ў больш нізкаэнергетычных слаях, у параўнанні з ядром (напрыклад, у мантыі). Ацэнкі «часу праходжання фатона» вар'іруюцца ад 50 мільёнаў гадоў[2] да 40 000 гадоў[3]. Кожны гама-квант з ядра Сонца пераўтворыцца ў некалькі мільёнаў бачных фатонаў, якія і выпраменьваюцца з паверхні.

Зноскі

  1. ^ Garcia R. A. et al. «Tracking Solar Gravity Modes: The Dynamics of the Solar Core», Science, 316, 5831, 1591—1593 (2007)
  2. Lewis, Richard (1983). The Illustrated Encyclopedia of the Universe. Harmony Books, New York. pp. 65. 
  3. Plait, Phil (1997). Bitesize Tour of the Solar System: The Long Climb from the Sun's Core. Bad Astronomy. 

Спасылкі[правіць | правіць зыходнік]