Спадарожны струмень

З пляцоўкі Вікіпедыя
Jump to navigation Jump to search
Спадарожны струмень ад знішчальніка-бамбавальніка McDonnell Douglas F-15E Strike Eagle, які заканчвае дазапраўку

Спадарожны струмень (спадарожны след) — гэта паветранае цячэнне ў выглядзе віхраў, зрываемых з заканцовак крыла самалёта ў палёце.

Кожны віхор утвараецца з-за імкнення паветра перацячы з вобласці павышанага ціску (пад крылом) у вобласць зніжанага ціску (над крылом). Хоць віхры хутка згасаюць (каля 5 хвілін), але ўсё ж за цяжкім самалётам яны могуць цягнуцца на кіламетры. Знаходжанне ў спадарожным следзе іншага самалёта стварае эфект «язды па купінах» з-за высокай турбулентнасці, некалькі авіякатастроф адбылося з-за пападання ў спадарожны след і немагчымасці аднавіць кіраванне самалётам. Авіядыспетчары ўлічваюць гэты эфект пры арганізацыі ўзлётаў і пасадак, вытрымліваючы інтэрвалы, дастатковыя для развейвання або зносу ветрам спадарожных струмянёў з зоны глісады. У апошні час для кантролю спадарожных струмянёў у зоне глісады пачынаюць ужываць лідары.

Для памяншэння страт энергіі на ўтварэнне спадарожнага следу на канцах крылаў усталёўваюцца спецыяльныя заканцоўкі, якія на выгляд нагадваюць невялікія «крылцы» — аэрадынамічныя грабяні або вінглеты (ад англ.: winglets), размешчаныя вертыкальна або нахільна. Усталёўка гэтых элементаў дазваляе павялічыць пад'ёмную сілу крыла і знізіць расход паліва. Да недахопаў адносяць паменшаную ўстойлівасць да бакавога ветру.

Галерэя[правіць | правіць зыходнік]

Wiki letter w.svg На гэты артыкул не спасылаюцца іншыя артыкулы Вікіпедыі,
калі ласка, карыстайцеся падказкай і пастаўце спасылкі ў адпаведнасці з прынятымі рэкамендацыямі.