Спаса-Праабражэнская царква (Даўбені)

Славутасць
Спаса-Праабражэнская царква
Спаса-Праабражэнская царква
54°03′03″ пн. ш. 26°36′35″ у. д.
Краіна	Беларусь
Месцазнаходжанне	Даўбені
Канфесія	БПЦ
Епархія	Маладзечанская епархія
Архітэктурны стыль	псеўдарускі стыль
Дата пабудовы	1869 год

Спаса-Праабражэнская царква — праваслаўны храм у вёсцы Даўбені Валожынскага раёна Мінскай вобласці.

Гісторыя

На заходняй ускраіне вёскі. Пабудавана ў 1869 г. па тыпавым праекце з бутавага каменю. Адрэстаўрыравана ў канцы 20 ст.

Архітэктура

Помнік архітэктуры сінадальнага накірунку рэтраспектыўна-рускага стылю. Будынак чатырохчасткавай аб'ёмна-прасторавай кампазіцыі: трох'ярусная вежа-званіца (васьмярык на 2 чацверыках), невялікая трапезная, кубападобная малітоўная зала, паўцыркульная апсіда. Фасады расчлянёны адзінарнымі і здвоенымі лучковымі аконнымі праёмамі. Архітэктура фасадаў заснавана на спалучэнні бутавай муроўкі і атынкаваных элементаў дэкору (вуглавыя лапаткі, карнізы, плоскасныя ліштвы аконных праёмаў).

Літаратура

• Праваслаўныя храмы Беларусі: энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх
• Спаса-Праабражэнская царква (Даўбені) на сайце Праваслаўная архітэктура Беларусі (бел.)
• Спаса-Праабражэнская царква (Даўбені) на сайце Radzima.org