Спеўны Сход

З пляцоўкі Вікіпедыя
Jump to navigation Jump to search


Спеўны Сход
Кіраўнікі
Аляксей Чубат
Сяржук Доўгушаў
Заснаванне
студзень, 2014

Спеўны Сход — гэта грамадская ініцыятыва, накіраваная тое, каб любы чалавек, незалежна ад наяўнасці ў яго музычнай адукацыі мог навучыцца спяваць беларускія песні.

Гісторыя стварэння[правіць | правіць зыходнік]

Ідэя стварэння Спеўных Сходаў належыць Сяржуку Доўгушаву[1]. У дадзены момант сярэдняя колькасць удзельнікаў складае каля 100 чалавек, максімальная - каля 500 чалавек (фестываль «Вольнае паветра»). Да студзеня 2017 года галоўным каардынатарам праекта быў Аляксей Чубат.

З 2017 года і па сённяшні дзень кіраўніком Спеўнага сходу з'яўляецца Сяржук Доўгушаў.[2]

Праграма[правіць | правіць зыходнік]

Кожны Спеўны Сход пачынаецца спеўнай размінкай, падчас якой удзельнікі выконваюць адмысловыя практыкаванні для голаса. Пасля размінкі пачынаецца вывучэнне спеваў, падчас якога ўдзельнікі рэпетуюць спевы з музычным суправаджэннем альбо без яго. Напрыканцы Схода ўсе ўдзельнікі здольныя самастойна праспяваць разабраныя творы.

Тэмы[правіць | правіць зыходнік]

На кожным Сходзе ўдзельнікі разам з вядоўцам разбіраюць музыку па адной з наступных тэмаў: восеньскія спевы[3], калыханкі[4], музыка Вялікага Княства Літоўскага[5], калядныя спевы[6], веснавыя і валачобныя спевы[7], застольныя спевы. Акрамя гэтага варта вылучыць спевы[8], сабраныя Народным паэтам Беларусі Рыгорам Барадуліным.

Цікавыя факты[правіць | правіць зыходнік]

На кожным Спеўным Сходзе прысутнічаюць вядомыя ў Беларусі музыкі. Так, цягам 2015-га года Спеўны Сход наведалі: этнограф Ірына Мазюк, Алесь Чумакоў (удзельнік гурта Стары Ольса), Ларыса Рыжкова (гурт «Калыханка»), ансамбль «Кантабіле», Алесь Камоцкі.

У 2017 годзе быў выдадзены адмысловы спеўнік Спеўнага Сходу, дзе былі сабраныя тэксты песняў, што спяваліся за некалькі год працы праекту.

Месцы[правіць | правіць зыходнік]

Цягам 2014-2015 гадоў Спеўныя Сходы адбыліся ў наступных месцах: Батанічны Сад[9], фестываль "Кераміка Крэва"[10], музычны фестываль "Вольнае паветра"[11], бар "ДК"[12], Blue Sky Talent Company[13].

У 2016 годзе ладзіліся адмысловыя спеўныя вандроўкі, у якіх спалучалася стандартная праграма сходу і тэматычнае экскурсійнае суправаджэнне.

Меркаванні[правіць | правіць зыходнік]

Адзін з гасцей Спеўнага Схода, Алесь Чумакоў схіляецца да наступнай думкі:

“Народныя песні не павярхоўныя, яны не вакол нейкай ідэі, кімсьці прыдуманай[14]. У іх ёсць глыбіня, якую адчуваеш, у якую верыш. Этнічны напрамак — адзін з напрамкаў, верагодных для такіх спеваў. Сёння, калі фольк-музыка актуальная і калі вяртанне да вытокаў проста неабходнае, такія сходы абавязкова павінны быць”.

Зноскі

Спасылкі[правіць | правіць зыходнік]

Спеўны Сход у Сеціве[правіць | правіць зыходнік]

Спеўны Сход у СМІ[правіць | правіць зыходнік]