Справаздача аб руху грашовых сродкаў

Бухгалтарскі ўлік
Ключавыя паняцці
	Бухгалтар • Бухгалтарскі рахунак; Галоўная бухгалтарская кніга; Абаротна-сальдавая ведамасць; Справаздачны перыяд; Уліковая палітыка; Падвойны запіс • Праводка; Дэбет і крэдыт • Актывы і пасівы; Калькуляцыя • Сабекошт; МСФС • GAAP
Фінансавая справаздачнасць
	Бухгалтарскі баланс; Справаздача аб прыбытках і стратах; Справаздача аб руху грашовых сродкаў; Справаздача аб змене капіталу; Кансалідаваная • Камбінаваная
Вобласці бухгалтарскага ўліку
	Улік затрат • Фінансавы ўлік • Судовая бухгалтэрыя; Улік фондаў • Кіраўнічы ўлік • Падатковы ўлік; Бюджэтны ўлік • Банкаўскі ўлік
Аўдыт
Фінансавы кантроль
	Гэта панэль: глядзець; размовы; правіць;

Справаздача аб руху грашовых сродкаў — дакумент, які змяшчае звесткі аб наяўнасці ў арганізацыі грашовых сродкаў і іх руху, у тым ліку пра крыніцы паступлення і напрамкі выкарыстання гэтых сродкаў^[1].

Змест справаздачы

Справаздача ўтрымлівае інфармацыю пра^[1]:

паступленне грашовых сродкаў у арганізацыю;
іх выкарыстанне за справаздачны перыяд;
расшыфроўку зместу крэдытавых і дэбетовых абаротаў па бухгалтарскіх рахунках уліку грашовых сродкаў.

У справаздачы адлюстроўваюцца^[2]:

астаткі грашовых сродкаў на пачатак года;
паступленні (у тым ліку выручка ад рэалізацыі, бязвыплатныя паступленні, крэдыты і пазыкі);
выкарыстанне сродкаў (на аплату працы, фінансавыя ўкладанні, разлікі з бюджэтам і інш.);
астаткі на канец года.

Аналітычнае значэнне

Аналізуючы справаздачу аб руху грашовых сродкаў, можна атрымаць ускоснае ўяўленне аб эфектыўнасці дзейнасці прадпрыемства. Найбольш поўнае ўяўленне справаздача дае ў спалучэнні з бухгалтарскім балансам і справаздачай аб прыбытках і стратах. Пры гэтым паказчыкі кароткатэрміновай ліквіднасці і крэдытаздольнасці арганізацыі адлюстроўваюцца ў справаздачы аб руху грашовых сродкаў дастаткова аб’ектыўна^[1].

Крыніцы дадзеных

Справаздача складаецца на падставе інфармацыі, якая абагульняецца на рахунках^[3]:

«Каса»;
«Разліковыя рахункі»;
«Валютныя рахункі»;
«Спецыяльныя рахункі ў банках»;
«Грашовыя сродкі ў дарозе»;
«Кароткатэрміновыя фінансавыя ўкладанні».

Абароты паміж указанымі рахункамі ў справаздачы не паказваюцца. Таксама адлюстроўваюцца напрамкі выдадзеных іншым асобам крэдытаў і пазыкаў.

Метады складання

Існуюць два асноўныя метады складання справаздачы^[1]:

Прамы метад — заключаецца ў вылічэнні сум паступленняў і расходаў па дадзеных бухгалтарскага ўліку. Дазваляе дакладна вызначыць памер кожнага артыкула даходаў і выдаткаў, але не раскрывае ўзаемасувязі з іншымі справаздачамі.

Ускосны метад — зручны для адлюстравання сувязі паміж фінансавымі рэсурсамі і вынікамі дзейнасці. Інфармацыя бярэцца з раздзелаў справаздачы аб прыбытках і стратах і бухгалтарскага балансу.

У Беларусі

Форма і парадак складання Справаздачы аб руху грашовых сродкаў у Рэспубліцы Беларусь зацверджаны Пастановай Міністэрства фінансаў Рэспублікі Беларусь ад 12 снежня 2016 г. № 104 «Аб складанні індывідуальнай бухгалтарскай справаздачнасці»^[3].

Крыніцы

↑ ^а ^б ^в ^г Отчет о движении денежных средств. Составление отчета о движении денежных средств, порядок заполнения, методы и формы (руск.). myfin.by. Праверана 18 мая 2025.
↑ Сокольчик, Т. П. Бухгалтерский учёт и аудит : пособие. — Мн.: Акад.упр. при Президенте Респ. Беларусь, 2009. — ISBN 978–985–457–898–9.
↑ ^а ^б Министерства финансов Республики Беларусь. Постановление № 104 "О составлении индивидуальной бухгалтерской отчетности" (руск.)(недаступная спасылка) (12 декабря 2016 г.). Архівавана з першакрыніцы 23 мая 2025. Праверана 18 мая 2025.

[:0-1] а ^б ^в ^г Отчет о движении денежных средств. Составление отчета о движении денежных средств, порядок заполнения, методы и формы (руск.). myfin.by. Праверана 18 мая 2025.

[2] Сокольчик, Т. П. Бухгалтерский учёт и аудит : пособие. — Мн.: Акад.упр. при Президенте Респ. Беларусь, 2009. — ISBN 978–985–457–898–9.

[:1-3] а ^б Министерства финансов Республики Беларусь. Постановление № 104 "О составлении индивидуальной бухгалтерской отчетности" (руск.)(недаступная спасылка) (12 декабря 2016 г.). Архівавана з першакрыніцы 23 мая 2025. Праверана 18 мая 2025.

[1]

[2]

[3]