Перайсці да зместу

Спроба перавароту ў Амхара

З Вікіпедыі, свабоднай энцыклапедыі
Спроба перавароту ў Амхара
Асноўны канфлікт: Грамадзянскі канфлікт у Эфіопіі
Дата 22 чэрвеня 2019
Месца Бахр-Дар
Вынік правал змоўшчыкаў
Праціўнікі
Бюро міру і бяспекі рэгіёну Амхара
Амхарскія нацыяналісты 		Рэгіянальны ўрад
Эфіопія Федэральны ўрад
Панэфіопскія нацыяналісты
Камандуючыя
Асаміню Цыге † Абачу Меканен †
Сэарэ Меканен †
Гізэ Абера †
Абій Ахмед
Лема Мегерса
Агульныя страты
некалькі дзясяткаў загінуўшых[1]

22 чэрвеня 2019 года амхарскія нацыяналістычна настроеныя сілавікі паспрабавалі здзейсніць гвалтоўны захоп улады ў эфіопскім штаце Амхара. Падзеі разгортваліся ў рэгіянальнай сталіцы Бахр-Дар, дзе падчас путчу загінулі некалькі дзясяткаў чалавек, у тым ліку лідар змоўшчыкаў, прэзідэнт штата і члены Генеральнага штаба Узброеных Сіл Эфіопіі.

Перадгісторыя

[правіць | правіць зыходнік]

У сваёй гісторыі Эфіопія перажыла мноства міжэтнічных канфліктаў. Пасля грамадзянскай вайны 1974—1991 гг. у краіне ўсталявалася сістэма «этнічнага федэралізму». Дзяржаву падзялілі на штаты (таксама называюцца рэгіёнамі), у кожным дамінавала свая народнасць. Адным з такіх штатаў быў Амхара, дзе пражывае аднайменная этнічная група.

Кіруючы блок «Рэвалюцыйна-дэмакратычны фронт эфіопскіх народаў» і рэгіянальная партыя «Дэмакратычная партыя Амхара» праводзілі палітыку, якая не падабалася значнай часткі этнічных амхара[2][3]. У прыватнасці, яны перадалі амхарскія зоны Валькаіт і Рая Азэбо рэгіёну Тыграй[4]. Палітычныя эліты народнасці рабілі стаўку на шматкультурны панэфіопскі нацыяналізм і адпрэчвалі этнічную самаідэнтыфікацыю на карысць чыста эфіопскай шматэтнічнай нацыянальнай ідэнтычнасці[5].

Як следства, у 2005 годзе вялікая частка рэгіёну прагаласавала за апазіцыйныя партыі «Кааліцыя за адзінства і дэмакратыю» і «Аб’яднаныя эфіопскія дэмакратычныя сілы, якія стаяць на панэфіопскіх пазіцыях. У 2018 годзе, у сувязі з прыходам да ўлады Абія Ахмеда Алі, што выступаў за ліквідацыю этнічнага федэралізму, амхарскія нацыяналісты вырашалі вярнуць страчаныя тэрыторыі ў Тыграя[6].

У сакавіку 2019 года прэзідэнт рэгіёну Амхара Геду Андаргачу падаў у адстаўку. У сваёй развітальнай прамове палітык папярэдзіў аб небяспецы нацыяналізму. Яго змяніў Абачу Меканен[7]. З гэтай мэтай ён прызначыў генерала ў адстаўцы і былога палітвязня Асаміню Цыге кіраўніком рэгіянальных сілавых структур[8]. Асаміню выступіў у чэрвені з прамовай на выпуску вучылішча супрацоўнікаў сіл бяспекі, якая, як паведамляецца, была поўнай амхарскіх нацыяналістычных выказванняў[9].

Падзеі

[правіць | правіць зыходнік]

Раннім вечарам 22 чэрвеня ў горадзе Бахр-Дар адбыліся выбухі ў штаб-кватэры рэгіянальнай паліцыі, у офісах рэгіянальнага заканадаўчага сходу і рэзідэнцыі рэгіянальнай адміністрацыі[10]. Неўзабаве пасля гэтага назіральнікі, у тым ліку пасольства ЗША, паведамілі аб перастрэлцы ў Адыс-Абебе[11]. Канцылярыя прэм’ер-міністра паведаміла, што «баявая група», якая падпарадкоўвалася брыгаднаму генералу Гененалу Асаміню Цыге, начальніку бюро міру і бяспекі рэгіёну Амхара (упраўленне па справах сіл бяспекі), уварвалася на пасяджэнне рэгіянальнага кабінета міністраў і адкрыла агонь[12]. Па даных Reuters, тэма сустрэчы тычылася спробаў Асаміню стварыць этнічнае апалчэнне[9].

У заяве, зробленым неўзабаве пасля паўночы 23 чэрвеня, прэм’ер-міністр Абій Ахмед абвясціў, што генерал Сэарэ Меканен, начальнік генштаба, трапіў пад атаку з боку «людзей з яго бліжэйшага круга», якія былі падкуплены змоўшчыкамі[11] (згодна з першапачатковымі паведамленнямі, падазраваны ў забойстве генерала Сэары целаахоўнікіў арыштаваны; аднак 24 чэрвеня паліцыя заявіла, што ён скончыў жыццё самагубствам яшчэ да арышту[13]). На наступную раніцу радыё «Dimtsi Weyane» паведаміла, што Сэары і яго памочнік генерал-маёр Гізэ Абера памерлі ад ран. Як паведаміла агенцтва СМІ Амхара, таксама забіты прэзідэнт рэгіёну Абачу Меканен і яго саветнік Эзэзам Васі[14]. Генеральны пракурор штата Мегбару Кебедзе быў сур’ёзна паранены[10] і памёр ад ран 24 чэрвеня[15].

Пасля замаху Асаміню заставаўся на волі на працягу 36 гадзін. Дзяржаўныя СМІ пацвердзілі, што ён быў застрэлены паліцыяй каля Бахр-Дара 24 чэрвеня[16], у той час як некалькі яго меркаваных саўдзельнікаў былі затрыманы[9].

Наступствы

[правіць | правіць зыходнік]

Пасля спробы перавароту па ўсёй краіне доступ у Інтэрнэт быў адключаны[17][18][19]. Два дні Эфіопія заставалася афлайн без якіх-небудзь афіцыйных тлумачэнняў[20][21]. Прэм’ер-міністр Абій заклікаў да адзінства супраць «сіл зла». 24 чэрвеня ўрад абвясціў нацыянальны дзень жалобы[9][22]. Пасольства Злучаных Штатаў параіла суайчыннікам схавацца, а шэраг міжнародных лідараў асудзіў спробу перавароту[23].

Заўвагі

[правіць | правіць зыходнік]
  1. ↑ Endashaw, Dawit; Lewis, David (26 June 2019). 'Dozens' killed in foiled Ethiopia coup attempt: regional government. Reuters. Праверана 26 June 2019.
  2. ↑ Amanuel, Tesfaye (4 May 2018). The Birth of Amhara Nationalism. Addis Standard. Праверана 23 June 2019.
  3. ↑ Menberework, Binyam (10 April 2018). ANDM and OPDO turned against their master but both follow diverging paths. Addis Standard. Праверана 23 June 2019.
  4. ↑ Borrago, Teshome (10 December 2018). What is the point in Amhara nationalism?. Ethiopia Insight. Праверана 23 June 2019.
  5. ↑ Michael, Mackonen (November 2008). Who is Amhara?. African Identities. 6 (4): 393–404. doi:10.1080/14725840802417943. S2CID 144828563.
  6. ↑ Pilling, David (27 March 2019). Ethiopian ethnic rivalries threaten Abiy Ahmed's reform agenda. Financial Times. Праверана 23 June 2019.
  7. ↑ Gedu Andargachew resigns; replaced by Ambachew Mekonen
  8. ↑ Gedu Andargachew Resigns; Ambachew Mekonnen Elected Chief Administrator of Amhara Region. Ezega. 8 March 2019. Праверана 23 June 2019.
  9. ↑ а б в г Ethiopia army chief shot dead in 'coup bid' attacks. BBC World News. 23 June 2019. Праверана 23 June 2019.
  10. ↑ а б A coup plot in Bahir Dar? What we know now. Ethiopia Observer. 22 June 2019. Праверана 23 June 2019.
  11. ↑ а б Ethiopia's military chief of staff attacked: Abiy Ahmed. Ethiopia Observer. 23 June 2019. Праверана 23 June 2019.
  12. ↑ Pilling, David (23 June 2019). Ethiopia hit by assassinations and 'coup' attempt. Financial Times. Праверана 23 June 2019.
  13. ↑ Ethiopia 'coup ringleader killed'. BBC [брытанская англійская]. 25 June 2019. Праверана 26 June 2019.
  14. ↑ President of the Amhara region killed. Ethiopia Observer. 23 June 2019. Праверана 23 June 2019.
  15. ↑ Ethiopia: Amhara attorney general dies after coup effort (англ.). DW (24 чэрвеня 2019). Праверана 24 June 2019.
  16. ↑ Alleged Ethiopian coup mastermind shot dead after 36-hour manhunt. i24 News. Праверана 24 June 2019.
  17. ↑ Internet shutdown in Ethiopia amid reports of attempted coup (англ.). NetBlocks (22 чэрвеня 2019).
  18. ↑ Ethiopia army chief killed amid failed coup attempt (англ.). Deutsche Welle (23 чэрвеня 2019).
  19. ↑ Ethiopia cuts internet after army chief of staff shot. News 24. AFP. 23 June 2019. Праверана 23 June 2019.
  20. ↑ Ethiopia internet shutdown continues following reported coup attempt (англ.). NetBlocks (24 чэрвеня 2019).
  21. ↑ Assassinations Challenge Ethiopian Premier's Reform Agenda: Q&A. Bloomberg News(англ.). 24 June 2019. {{cite news}}: Тэкст "Bloomberg" ігнараваны (даведка)
  22. ↑ Ethiopia failed coup: Fifth death, national mourning, mastermind killed". Africanews. 24 June 2019.
  23. ↑ Assassinations in Ethiopia amidst regional 'coup' attempt, condemned by UN chief. UN News. 23 June 2019. Праверана 23 June 2019.
Узята з "https://be.wikipedia.org/w/index.php?title=Спроба_перавароту_ў_Амхара&oldid=4958897"