Кавальская Слабада (станцыя метро)
«Кавальская Слабада» руск.: Ковальская Слобода | |
|---|---|
Зеленалужская лінія | |
| Мінскі метрапалітэн | |
.jpg) | |
| Дата адкрыцця | 7 лістапада 2020 |
| Праектная назва | Жукоўскага |
| Раён | Кастрычніцкі |
| Тып платформаў | астраўная |
| Форма платформаў | прамая |
| Выхад да вуліц | вуліц Жукоўскага і Варанянскага |
| Наземны транспарт | А: 4, 24, 65, 93, 163, 172, 191 |
| Час адкрыцця | 5:33 |
| Код станцыі | 313 |
| Суседнія станцыі | Вакзальная і Аэрадромная |
 Медыяфайлы на Вікісховішчы | |
Кавальская Слабада (трансліт.: Kavaĺskaja Slabada) — станцыя першай чаргі Зеленалужскай лініі Мінскага метрапалітэна, паміж станцыямі «Вакзальная» і «Аэрадромная».
Назва станцыі звязаная з існаваннем у гэтым раёне рамесніцкага прадмесця, дзе жылі кавалі. Рамесніцтва стала асноўным матывам афармлення станцыі, створанага скульптарамі П. Вайніцкім, М. Тарлецкай і мастачкай М. Жвірбля.
Станцыя размешчана на скрыжаванні вуліц Жукоўскага і Варанянскага і ўведзена ў эксплуатацыю 7 лістапада 2020 года.
Канструкцыя станцыі – скляпеністага тыпу. Пасажырская платформа знаходзіцца пасярэдзіне, з абодвух бакоў размяшчаюцца калеі. Архітэктары праекту – У. Целяпнёў, В. Целяпнёва, А. Кузьміч, Г. Васільеў.
Для ўзмацнення бяспекі пасажыраў абапал станцыйнай платформы ўсталяваны празрыстыя брамкі абсталяваныя аўтаматычным механізмам адкрыцця-закрыцця, якія адкрываюцца толькі для высадкі і пасадкі пасажыраў. Станцыя абсталявана таксама ліфтам і прыстасавана да патрэб асоб з абмежаванымі фізічнымі магчымасцямі.
З часу адкрыцця і да 30 снежня 2024 года станцыя была канцавой на лініі, потым адкрылі другі ўчастак лініі ад станцыі Аэрадромная да станцыі Слуцкі Гасцінец.