Тэрэмкы (станцыя метро)
«Тэрэмкы» укр.: Теремки | |
|---|---|
Абалонска-Тэрэмкоўская лінія | |
| Кіеўскі метрапалітэн | |
_November_2013_(7).JPG) | |
| Дата адкрыцця | 6 лістапада 2013 года |
| Праектная назва | Адэская плошча |
| Раён | Галасіеўскі |
| Тып платформаў | астраўная |
| Даўжыня платформаў, м | 104,0 |
| Шырыня платформаў, м | 11,1 |
| Архітэктары | Valeriy Gnevyshev[d][1], Tamara Tselikovska[d][1] і Oleksii Nashyvochnikov[d][1] |
| Узведзена | Кіеўметрабуд |
| Выхад да вуліц |
праспекта Акадэміка Глушкова, Адэскай плошчы |
| Час адкрыцця | 05:48 |
| Код станцыі | 227 |
| Суседнія станцыі | Станцыя метро Іпадром, Кіеў |
 Медыяфайлы на Вікісховішчы | |
«Тэрэмкы́» (укр.: «Теремки́», вымаўленне ) — 52-я станцыя Кіеўскага метрапалітэна, канцавая на Абалонска-Тэрэмкоўскай лініі, наступная пасля станцыі «Іпадром». Адкрыта 6 лістапада 2013 года. Пасажырапаток — 24,4 тыс. чал./суткі (2015 год). Названая па аднайменнаму жылому масіву.
Гісторыя[правіць | правіць зыходнік]
Будаўніцтва станцыі пачата ў лістападзе 2011 года. У ліпені 2012 пачата будаванне сцяны ў грунце. Па стане на канец кастрычніка 2012 года робiцца раскрыццё катлавана станцыі, паралельна праходзіць заліванне падмуркавай пліты станцыі. З пачатку лістапада ўстаноўлена апалубка і адбываецца заліванне секцый зводу станцыі.
Па стане на чэрвень 2013 года збудаваныя станцыйны і касавыя залы, выкладзеныя лесвічныя пліты пераходу касаваЙ залы. Будуюцца абаротныя тупікі і СТЦ.
3 лістапада 2013 года на станцыю быў пушчаны пробны цягнік.
6 лістапада 2013 года станцыя была адкрыта для пасажыраў.
Канструкцыя[правіць | правіць зыходнік]
Па канструкцыі станцыя аднаскляпеністая, дробнага залажэння, з двума выхадамі ў падземныя пераходы пад праспектам Акадэміка Глушкова. За станцыяй знаходзяцца абаротныя тупікі і пункт тэхнічнага абслугоўвання цягнікоў. У перспектыве плануецца падаўжэнне лініі да станцыі «Адэская» і збудаванне дэпо «Тэрэмкы».
Абсталяванне[правіць | правіць зыходнік]
Аздабленне зводу платформы выканана мазаічным абліцоўваннем у выглядзе геаметрычных узораў, элементы якіх пераходзяць таксама на шляхавыя сцены. Сцены абліцаваныя бэжавым мармурам, які падкрэслівае іх канструктыўныя асаблівасці. Тарцы платформы таксама ўпрыгожаны мазаічным абліцоўваннем. Асвятленне станцыі ажыццяўляецца з дапамогай 13 таршэраў. Вакол таршэраў размешчаны лаўкі для пасажыраў, вырабленыя з нержавеючай сталі. Дадатковая светлавая лінія на шляхавай сцяне падсвятляе ўзор на зборы.
На станцыі ўстаноўлены 4 ліфты для людзей з асаблівымі патрэбамі. 2 ліфты — для перавозкі пасажыраў са двара ў вестыбюль станцыі, яшчэ 2 — з узроўню вестыбюля да ўзроўню пасажырскай платформы. Уздоўж краю платформы ўладкаваная шутц-лінія з пліткі тыпу «грэс» з выпуклым рэльефам «Увага», што дазваляе лепш арыентавацца людзям з праблемамі зроку.
Расклад адпраўлення цягнікоў[правіць | правіць зыходнік]
Адпраўка першага цягніка ў напрамку:
- ст. «Герояў Дняпра» — 05:57
Адпраўка апошняга цягніка ў напрамку:
- ст. «Герояў Дняпра» — 00:05
Расклад адпраўлення цягнікоў у вячэрні час (пасля 22:00) у напрамку:
- ст. «Герояў Дняпра» — 22:25, 22:35, 22:45, 22:55, 23:05, 23:15, 23:25, 23:35, 23:45, 23:55, 0:05
Спасылкі[правіць | правіць зыходнік]
- Афіцыйны сайт Кіеўскага метрапалітэна Архівавана 13 кастрычніка 2012. (укр.)
- У Кіеве адкрылі станцыю метро «Тэрэмкы» Архівавана 5 сакавіка 2016. (руск.)
- ↑ а б в http://www.mirmetro.net/kyiv/cruise/02/27_teremky Праверана 4 сакавіка 2023.