Станіслаў Вацлававіч Суднік

Станіслаў Вацлававіч Суднік
Асабістыя звесткі
Дата нараджэння	21 верасня 1954(1954-09-21) (71 год)
Месца нараджэння	Сейлавічы, Нясвіжскі раён, Мінская вобласць, Беларуская ССР, СССР
Грамадзянства	СССР  Беларусь
Альма-матар	Мінскае вышэйшае інжынернае зенітна-ракетнае вучылішча Ваенная акадэмія паветрана-касмічнай абароны імя Маршала Савецкага Саюза Г. К. Жукава[d]
Прафесійная дзейнасць
Род дзейнасці	пісьменнік, паэт, журналіст
Мова твораў	беларуская
Грамадская дзейнасць
Партыя	Партыя БНФ
Член у	Саюз беларускіх пісьменнікаў
Узнагароды

Станіслаў Вацлававіч Суднік (24 верасня 1954, в. Сейлавічы, Нясвіжскі раён) — беларускі пісьменнік, журналіст.

Біяграфія

Нарадзіўся 24 верасня 1954 года ў в. Сейлавічы Нясвіжскага раёна. Скончыў Мінскае вышэйшае інжынернае зенітна-ракетнае вучылішча (1977), Цвярскую ваенна-камандную акадэмію імя Жукава (завочна). Як прафесійны ваенны служыў у Савецкай арміі, пасля ва Узброеных сілах Рэспублікі Беларусь.

Знаходзячыся на вайсковай службе ў Казахстане, выдаваў у г. Прыазёрску беларускую газету «Рокаш» (1990—1992). Адначасова спрабаваў сябе ў паэзіі. У 1992 годзе выдаў першы зборнік вершаў. Друкаваўся ў часопісах «Полымя» і «Маладосць».

Пасля звальнення ў запас шмат часу аддае журналісцкай і грамадскай дзейнасці. У 1997 аднавіў у Лідзе выпуск газеты Таварыства беларускай мовы «Наша слова» (раней выходзіла ў Мінску) і з той пары з’яўляецца яе рэдактарам. Ініцыятар стварэння і рэдактар краязнаўчага часопіса «Лідскі летапісец».

Аўтар некалькіх кніг і паэтычных зборнікаў. Член Саюза беларускіх пісьменнікаў з 2001 года.

Узнагароды

• Медаль «За баявыя заслугі».
• Ордэн «За службу Радзіме».
• Медаль Браніслава Тарашкевіча «За абарону роднай мовы» і дыплом Камітэта Ўшанавання (25.3.2002).
• Унясенне ў Кнігу пашаны «Працаўнікі твае, Беларусь».
• Лаўрэат конкурсу вершаў пра Лідскі замак «Голас стагоддзяў» з паэмай «Лідскі сон Гедыміна» (07.09.2025). Конкурс праводзіўся падчас XXXII Дня беларускага пісьменства ў Лідзе.

Спасылкі

• Старонка Станіслава Судніка
• Станіслаў Суднік прысвяціў сваё жыццё войску і мове Архівавана 5 сакавіка 2016. // Рэгіянальная газета
• Як перад «Дажынкамі» можна скарыстаць досвед лідчан. Інтэрв’ю са Станіславам Суднікам Архівавана 5 сакавіка 2016. // Рэгіянальная газета