Станіслаў Глінка
| Станіслаў Глінка | |
|---|---|
| Stanisław Glinka | |
| Дата нараджэння | 6 снежня 1914 |
| Месца нараджэння | |
| Дата смерці | 2000 |
| Навуковая сфера | беларуская дыялекталогія, польская дыялекталогія |
| Месца працы | |
| Альма-матар | |
Станіслаў Глінка (польск.: Stanisław Glinka; 6 снежня 1914, Янкі Млодэ, Польшча — 2000[1]) — польскі лінгвіст.
Біяграфія
[правіць | правіць зыходнік]У 1950 годзе скончыў матэматычна-прыродазнаўчы факультэт Варшаўскага ўніверсітэта. У 1957 годзе атрымаў ступень доктара філалагічных навук (дысертацыя — «З даследаванняў усходнеславянскіх дыялектаў Беласточчыны»). У 1957—1972 гадах — супрацоўнік аддзела беларускай мовы Інстытута славяназнаўства Польскай акадэміі навук, у 1972—1984 гадах — загадчык гэтага аддзела.
Навуковая дзейнасць
[правіць | правіць зыходнік]Галоўныя кірункі навуковай дзейнасці С. Глінкі — беларуская і польская дыялекталогія, мова беларускага фальклору.
Пры непасрэдным удзеле і пад рэдакцыяй С. Глінкі падрыхтаваны «Атлас усходнеславянскіх гаворак Беласточчыны» (пол. Atlas gwar wschodniosłowiańskich Białostocczyzny). С. Глінка дакладна вызначыў заходнюю мяжу беларускіх гаворак на Беласточчыне на поўнач ад Нарвы, ахарактарызаваў іх фанетычную дыферэнцыяцыю.
С. Глінка прааналізаваў некаторыя фанетычныя, словаўтваральныя і лексічныя асаблівасці паэтычнай мовы беларускіх народных песень, сабраных М. Федароўскім.
Крыніцы
[правіць | правіць зыходнік]Літаратура
[правіць | правіць зыходнік]- Беларуская мова: Энцыклапедыя / Беларус. Энцыкл.; пад. рэд. А. Я. Міхневіча; рэдкал. Б. І. Сачанка (гал. рэд.) і інш. — Мн.: БелЭн, 1994. — 654 с. ISBN 5-85700-126-9.