Радавое імя дыназаўра «стаўрыказаўр» звязана з назвай сузор'я Паўднёвы Крыж, намаляванага на гербе Бразіліі і бачнага толькі ў Паўднёвым паўшар'і, як сведчанне рэдкіх знаходак дыназаўраў у Паўднёвым паўшар'і. Відавае імя pricei прысвечана бразільскаму палеантолагу Л. І. Прайсу (англ.: Llewellyn Ivor Price), які знайшоў шкілет стаўрыказаўра.
Стаўрыказаўр жыў у карнійскім веке верхняга трыясавага перыяду, каля 225 млн гадоў таму. Ён дасягаў даўжыні 2,25 м і вышыні 80 см і важыў каля 30 кг[2]. Адзіная знаходка стаўрыказаўра вельмі не поўная: складаецца з большай часткі хрыбетніка, фрагментаў ног і ніжняй сківіцы. Рэстаўрацыя стаўрыказаўра выконвалася зыходзячы са здагадкі, што дыназаўр на світанку эпохі не мог быць вельмі складаным і мець вузкаспецыялізаваныя органы. Таму стаўрыказаўра малююць звычайна з простымі пяццю пальцамі пярэдніх і задніх канечнасцяў[3]. Аднак знойдзеных фрагментаў дастаткова, каб судзіць аб тым, што стаўрыказаўр быў даволі хуткім драпежнікам.
Памер стаўрыказаўра ў параўнанні з чалавекам
Стаўрыказаўр і рынхазаўр Paradapedon
Staurikosaurus pricei
Зноскі
↑Nesbitt, S. J., Smith, N. D., Irmis, R. B., Turner, A. H., Downs, A., and M. A. Norell. 2009.
