Сторна

З пляцоўкі Вікіпедыя
Jump to navigation Jump to search

Сторна (італ.: storno — пераклад на іншы рахунак, адвод; ад stornare — паварочваць назад) — у агульным сэнсе зварот да ранейшага значэння якога-небудзь эканамічнага паказчыка; напрыклад, сторна плацеж — зварот авансавага плацяжу ў выпадку анулявання дагавора.

Старнавальная праводка
у бухгалтарскім уліку — бухгалтарская праводка, прызначаная, як правіла, для выпраўлення хібнага запісу, які быў зроблены раней. Звычайна ўжываецца так званае адмоўнае сторна, пры якім для выпраўлення хібнай праводкі робіцца дадатковая праводка, складзеная на суму хібнай праводкі, але з адмоўным знакам. Каб вылучыць адмоўныя лікі, іх звычайна пішуць чырвонымі чарніламі, таму адмоўнае сторна і метад выпраўлення памылак з дапамогаю сторна часам завуць «чырвонае сторна». Метад чырвонага сторна быў распрацаваны расійскім бухгалтарам-практыкам А. А. Берэці ў 1889 годзе.
Страхавое сторна[1]
у страхаванні — паказчык, які характарызуе памяншэнне страхавога партфеля дзейсных дагавораў доўгатэрміновага страхавання жыцця на вызначаную справаздачную дату. У гэты паказчык могуць уключацца датэрмінова спыненыя дагаворы ў сувязі з няплатаю страхавых унёскаў з правам і без права страхавальніка на атрыманне выкупной сумы, а таксама ў сувязі са смерцю застрахаваных; дагаворы, якія скончыліся ў сувязі з канчаткам тэрміна страхавання ці наступам абумоўленай падзеі. Для сторна можа вылічацца адносны паказчык: адносіны колькасці дагавароў, якія складаюць сторна, да разліковага страхавога партфеля.

Крыніцы[правіць | правіць зыходнік]

Зноскі

Wiki letter w.svg На гэты артыкул не спасылаюцца іншыя артыкулы Вікіпедыі,
калі ласка, карыстайцеся падказкай і пастаўце спасылкі ў адпаведнасці з прынятымі рэкамендацыямі.