Стыло

Рымскія стыло

Антычны грэк піша на васковай таблічцы

Стыло, або пісала (стар.-грэч.: στῦλος — слуп, калона) — прыстасаванне для пісьма ў выглядзе востраканцовага цыліндрычнага стрыжня (даўжынёй 8-15 см і дыяметрам каля 1 см) з косці, металу або іншага цвёрдага матэрыялу. Стыло шырока ўжывалася ў антычнасці і ў Сярэднявеччы. Завостраны канец стыло выкарыстоўваўся для нанясення (прадрапвання) тэксту на васковых таблічках. Супрацьлеглы канец рабіўся сплошчаным (у выглядзе лапатачкі) і акруглым, каб сціраць напісанае.

На Беларусі стыло знойдзены ў Навагрудку, Ваўкавыску, Мінску, Брэсце, Полацку, Браславе, Слуцку, Тураве, Пінску, Копысі, Капылі і Друцку. Ужываліся да 15 стагоддзя.

Гл.таксама

• Аловак
• Ручка, канцылярыя

Літаратура

• Беларуская энцыклапедыя: У 18 т. Т.15: Следавікі — Трыо / Рэдкал.: Г. П. Пашкоў і інш — Мн.: БелЭн, 2002. — Т. 15. — 552 с. — 10 000 экз. — ISBN 985-11-0251-2 (Т. 15).

Спасылкі

• На Вікісховішчы ёсць медыяфайлы па тэме Стыло