Сумеснае наступленне САТ і ВАА

З пляцоўкі Вікіпедыя
Перайсьці да навігацыі Перайсьці да пошуку
Сумеснае наступленне САТ і ВАА
Асноўны канфлікт: Грамадзянскі канфлікт у Эфіопіі (Тыграйскі канфлікт і канфлікт у Ароміі)

Addis Ababa Offensive (October - November 2021).svg
     пад кантролем федэральнага ўрада Эфіопіі      пад кантролем паўстанцаў

     пад кантролем эрытрэйскай арміі
Дата з 31 кастрычніка па 1 снежня 2021
Месца штат Амхара
Вынік прыпыненне наступлення і пераход ініцыятывы да федэральнай арміі
Праціўнікі
Эфіопія Эфіопія
Flag of the Amhara Region.svg Фано
Flag of the Tigray Region.svg САТ
Flag of the Oromo Liberation Front.svg ВАА
Камандуючыя
Эфіопія Абій Ахмед Алі Flag of the Tigray Region.svg Дэбрэцыан Гебрэмікаэль
Flag of the Oromo Liberation Front.svg Кумса Дырыба

Сумеснае наступленне САТ і ВАА — ваенная кампанія груповак «Сілы абароны Тыграя» (САТ) і «Вызваленчая армія Арома» (ВАА) супраць Узброеных сіл Эфіопіі.

Перадгісторыя[правіць | правіць зыходнік]

У лістападзе 2020 года ў рэгіёне Тыграй на поўначы Эфіопіі ўспыхнуў узброены канфлікт паміж мясцовай партыяй Народны фронт вызвалення Тыграя на чале з Дэбрэцыанам Гебрэмікаэлем і федэральным урадам прэм’ер-міністра Абія Ахмеда Алі. Да Дэбрэцыана далучыліся і іншыя тыграйскія апазіцыянеры, якія ўвайшлі ў так званыя «Сілы абароны Тыграя».

Па стане на восень 2021 года баевікі авалодалі значнай часткай Тыграя, а таксама ўварваліся ў суседні рэгіён Амхара[1]. У гэты час САТ выходзіць на кантакт з групоўкай «Вызваленчая армія Арома», якая вяла баявыя дзеянні ў штаце Аромія, якая да лістапада валодала некалькімі гарадамі ў заходняй, цэнтральнай і паўднёвай частках рэгіёну[2].

Ход падзей[правіць | правіць зыходнік]

31 кастрычніка «Вызваленчая армія Арома» бярэ Камісі. Адначасова тыграйцы захопліваюць Камбольчы. У раёне гэтых гарадоў сілы баевікоў злучаюцца[3].

5 лістапада было абвешчана аб стварэнні альянсу «Аб’яднаны фронт эфіопскіх федэралісцкіх і канфедэралісцкіх сіл», які аб’ядноўваў антыўрадавыя сілы. Туды ўвайшла партыя НФВТ і групоўка ВАА. Фронт нацыянальнага вызвалення Сідама, Фронт рэвалюцыйна-дэмакратычнага адзінства Афара, Народна-вызваленчы рух Бенішангула, Дэмакратычны рух Агаў, Народна-вызваленчая армія Гамбелы, Дэмакратычная партыя Кімант і Самалійскі дзяржаўны супраціў[4].

16 лістапада САТ заявілі, што ўзялі пад свой кантроль гарады Атае і Сенбет у зоне Аромія ў рэгіёне Амхара[5]. Паводле СМІ, паўстанцы вядуць актыўнае прасоўванне ў бок Адыс-Абебы[6]. У гэты час фіксавалася, што структура кіравання ўрадавых войскаў павалілася, і на фронце пачаўся хаос[7].

20 лістапада баевікі САТ—ВАА бяруць Дэгала і Мехал Меда[8], 21-га — Шэва Рабіт[9]. 25 лістапада апазіцыйныя войскі падышлі да Дэбрэ Сіне.

Наступствы[правіць | правіць зыходнік]

1 снежня федэральныя войскі зрабілі справаздачу аб вызваленні Шэва-Рабіт у 220 км ад Адыс-Абебы[10]. Яны таксама ўзялі шэраг бліжэйшых гарадоў, такія як Дэбрэ-Сіна, Веген-Тэна, Мезэзо, Малале і Лалібела[11]. 5 снежня ўлады заявілі аб узяцці Дэсэ і Камболчы[12].

12 снежня атрады, лаяльныя НФВТ, адбілі горад Лалібела[13].

Зноскі[правіць | правіць зыходнік]

  1. Fears for humanitarian crisis engulfing Tigray as Abiy Ahmed launches make or break war (15 кастрычніка 2021).
  2. Oromo Liberation Army: On the ground with Ethiopian fighters (1 лістапада 2021).
  3. Tigrayan and Oromo forces say they have seized towns on Ethiopian highway (1 лістапада 2021).
  4. Nine anti-gov't groups team up as Ethiopia recalls ex-soldiers (5 лістапада 2021).
  5. Etiopia: forze tigrine annunciano la presa delle città di Ataye e Senbete, nella regione degli Amara(італ.)  (16 лістапада 2021).
  6. Moneycentral, 10 November 2021: Dangote Cement’s $500m Ethiopia Plant at Risk as War Escalates
  7. Ethiopia Declares State of Emergency as Rebels Advance Toward Capital (2 лістапада 2021).
  8. Etiopia. Abiy resiste grazie alle milizie Afarine fedeli al regime e un uso intelligente di raid aerei da parte dell'aviazione militare federale(італ.)  (20 лістапада 2021).
  9. says, Aba Solan Shewa Robit: Tigray forces and OLA capture Shewa Robit town of Amhara region – Kichuu(нявызн.) .
  10. Ethiopian gov’t says it retook string of towns from Tigray forces(англ.) . www.aljazeera.com.
  11. Ethiopia liberates many towns from ‘terrorists’ – New Business Ethiopia(нявызн.) .
  12. Presse, AFP-Agence France Ethiopia Govt Claims Recapture Of Key Towns Dessie, Kombolcha(нявызн.) . www.barrons.com.
  13. Reuters. Witnesses say Tigrayan forces in Ethiopia retook Lalibela, UN Heritage site(англ.) , Reuters (12 снежня 2021).