Сусветная антыкамуністычная ліга

З пляцоўкі Вікіпедыя
Jump to navigation Jump to search
Сусветная ліга за свабоду і дэмакратыю
кіт.: 世界自由民主聯盟總會
англ.: World League for Freedom and Democracy
Штаб-кватэра: Кітайская Рэспубліка Кітайская Рэспубліка, Тайбэй
Кіраўнікі
прэзідэнт Кітайская Рэспубліка Жаа Інцы
генеральны сакратар Кітайская Рэспубліка Сё Вэньхуан
Заснаванне
канферэнцыя 7 лістапада 1966 года
web.archive.org/web/2006…

Сусветная антыкамуністычная ліга (анг. World Anti-Communist League) — антыкамуністычная арганізацыя, заснаваная ў 1966 г. у Тайбэй на Тайване. Ад 17 верасня 1994 г. вядомая як Сусветная Ліга за свабоду і дэмакратыю.

Гісторыя[правіць | правіць зыходнік]

Ініцыятарам стварэння Лігі быў дыктатар Тайваня Чан Кайшы. Сусветная антыкамуністычная ліга (САЛ) займалася фінансавым і матэрыяльным прасоўваннем правых арганізацый у барацьбе з камунізмам. Вялікую ролю ў стварэнні Лігі згуляла разведка южнакарэйскай дыктатуры прэзідэнта Пак Чон Хі, так званае Карэйскае нацыянальнае агенцтва выведкі, а таксама Царква аб'яднання[1][2][3][4][5]. Кожны год арганізацыя праводзіла канферэнцыі працягласцю ў некалькі дзён, таксама праводзіліся навучанні ў сферы псіхалагічнай вайны. Сусветная антыкамуністычная ліга актыўна ўдзельнічала ў Халоднай вайне з антыкамуністычных і антысавецкіх пазіцый.

Адной з найбольш актыўных галін Лігі была Рада Спалучаных Штатаў па сусветнай свабодзе (анг. United States Council for World Freedom), якая была заснаваная ў 1980 г. генералам Джонам Сінглаўбам і прадстаўляла ЗША. Генерал Сінглаўб быў старшынёй Лігі з 1984 г. па 1986 г. У 1980 г. да Рады дырэктараў Сусветнай антыкамуністычнай Лігі належаў сенатар Джон Мак-Кейн. Лігу падтрымлівалі прэзідэнты ЗША Джіммі Картэр і Рональд Рэйган. Асабліва актыўнай Ліга была ў Лацінскай Амерыцы, дзе яна, напрыклад, падтрымлівала дзейнасць антыкамуністычных партызанаў Контрас у Нікарагуа.

У СССР САЛ падвяргалася крытыцы як цэнтр самай крайняй рэакцыі, «ударны атрад імперыялізму і фашызму». Пры гэтым аб канкрэтных дзеяннях Лігі ў савецкім друку паведамлялася вельмі скупа, а у перыяд распаду СССР некаторыя аўтары паказвалі на Лігу як на сілу крымінальнай фашызацыі постсавецкай прасторы.

З Сусветнай антыкамуністычнай лігай супрацоўнічаў Беларускі вызвольны фронт — беларуская эмігранцкая палітычна-вайсковая арганізацыя, заснаваная Радаславам Астроўскім.

Ад 17 верасня 1994 г. арганізацыя стала вядомая як Сусветная ліга за свабоду і дэмакратыю. У 2000-х гадах дзейнасць арганізацыі практычна цалкам звялася да прадстаўнічых мерапрыемстваў і ўрачыстага святкавання Сусветнага дня свабоды 23 студзеня (дата вяртання 14 тысяч тайваньскіх жаўнераў у Кітайскую Рэспубліку з палону Карэйскай вайны ў 1954 годзе).

Вядомыя беларускія сябры Лігі[правіць | правіць зыходнік]

Зноскі

  1. Peter Stone,"Contras' of the World Unite," Sunday Times-Times of London, Sept 15, 1985
  2. Robert Parry and Brian Barger,"Reagan's Shadow CIA," New Republic, Nov 24, 1986
  3. Fred Clarkson,"Behind the Supply Lines," Covert Action Information Bulletin, Winter, 1986
  4. Scott Anderson and Jon Lee Anderson, Inside the League: The Shocking Expose of How Terrorists, Nazis, and Latin American Death Squads Have Infiltrated The World Anti-Communist League (New York, NY: Dodd, Mead & Co, 1986)
  5. Joe Conason and Murray Waas, Village Voice, Oct 22, 1985

Глядзі таксама[правіць | правіць зыходнік]

Спасылкі[правіць | правіць зыходнік]