Сцяг Радэзіі

Радэзія
Зацверджаны	11 лістапада 1968
Адменены	31 мая 1979
Прапорцыя	1:2
Сцяг Паўднёвай Радэзіі (1964—1965) і незалежнай Радэзіі (1965—1968)

Сцяг Радэзіі (цяпер тэрыторыя Зімбабвэ) шмат разоў мяняўся ў выніку палітычных змен у краіне.

Да 1953 года брытанская калонія Паўднёвая Радэзія, следуючы брытанскай каланіяльнай практыцы, выкарыстоўвала сіні сцяг з Union Jack у кантоне і шчыце з гербам.

У 1953 году Паўднёвая Радэзія, разам з Паўночнай Радэзіяй і Ньясалендам стварылі Федэрацыю Радэзіі і Ньясаленда. Федэральны сцяг выкарыстоўваўся ў перыяд з верасня 1953 года да 31 снежня 1963 года, калі федэрацыя была скасавана. Менш чым праз год пасля распаду Федэрацыі, Паўночная Радэзія і Ньясаленд сталі незалежнымі дзяржавамі, з назвамі Замбія і Малаві адпаведна. Паўднёвая Радэзія стала вядомая проста як Радэзія, хоць яе афіцыйнай назвай засталася Паўднёвая Радэзія. У красавіку 1964 года Радэзія прыняла новы сцяг з болей светлым адценем сіняга колеру. Гэта быў першы раз, калі больш светлае адценне сіняга колеру было выкарыстана ў брытанскай калоніі, хоць Фіджы і Тувалу прынялі такі колер ужо пасля незалежнасці.

Пасля аднабаковага абвяшчэння незалежнасці 11 лістапада 1965 года сцяг быў захаваны, але праз тры гады ў дзень гадавіны дэкларацыі аб незалежнасці ён быў заменены зялёна-белым сцягам (аналагічным таму, што ў Нігерыі) з вялікім гербам у цэнтры. З 2 сакавіка 1970 года краіна была абвешчана рэспублікай. На працягу ўсяго гэтага часу, Брытанія адмаўлялася прызнаць незалежнасць Радэзіі і сцвярджала, што светла-сіні сцяг з’яўляецца афіцыйным сцягам краіны.

У 1979 годзе краіна стала называцца Зімбабвэ-Радэзія і новы сцяг быў прыняты 2 верасня таго ж года з панафрыканскімі колерамі — чырвоным, чорным, жоўтым і зялёным, і птушкай Зімбабвэ. Аднак, у адпаведнасці з умовамі пагаднення Ланкастэрхаузскай канферэнцыі, краіна ненадоўга вярнулася пад брытанскае праўленне са сцягам Union Jack, хоць сцяг Зімбабвэ-Радэзіі застаўся дэ-факта ў выкарыстанні. 18 красавіка 1980 года пасля абвяшчэння незалежнасці Зімбабвэ быў прыняты новы сцяг Зімбабвэ.

Галерэя

• 
  Сцяг генерал-губернатара Паўднёвай Радэзіі (1951–1952)
• 
  Сцяг генерал-губернатара Паўднёвай Радэзіі (1952–1970)
• 
  Асабісты сцяг губернатара Паўднёвай Радэзіі
• 
  Сцяг (штандар) прэзідэнта Радэзіі (1970–1981)
• 
  Сцяг прэм’ер-міністра Радэзіі (1970–1979)
• 
  Штандар прэм’ер-міністра Радэзіі-Зімбабвэ (1979–1980)
• 
  Сцяг Радэзійскіх каралеўскіх ваенна-паветраных сіл (1953–1963)
• 
  Сцяг Радэзійскіх каралеўскіх ваенна-паветраных сіл (1964–1968)
• 
  Сцяг Радэзійскіх ваенна-паветраных сіл (1970–1979)
• 
  Сцяг ваенна-паветраных сіл Радэзіі-Зімбабвэ (1979–1980)

Гл. таксама

• Сцяг Зімбабвэ