Сцяпан Бубешка

Сцяпан Бубешка
Дата нараджэння	1874
Месца нараджэння	Дубна, Гродзенскі павет, Гродзенская губерня, Літоўскае генерал-губернатарства, Расійская імперыя
Дата смерці	23 студзеня 1928(1928-01-23)
Месца смерці	Jamaica[d], Куінс, Нью-Ёрк, штат Нью-Ёрк, ЗША
Месца пахавання	Flushing Cemetery[d]

Сцяпан Восіпавіч Бубешка (1874 ?, Дубна — 23 студзеня 1928, Нью-Ёрк) — беларускі грамадскі дзеяч, журналіст. Адзін з першых дзеячоў беларускага нацыянальнага руху ў ЗША.

Біяграфія

Нарадзіўся ў Дубне ля Гродна. У 1890 годзе прыехаў у Злучаныя Штаты. Працаваў у розных месцах і галінах прамысловасці, найбольш у вырабе мэблі. Праз 20 год набыў маленькую ферму ў раёне Флашынг на Лонг-Айлендзе. Неўзабаве кінуў фермерства, бо зразумеў, што займацца сельскай гаспадаркай у ваколіцах Нью-Ёрка не мае сэнсу. Валодаў рэстаранам «Свабода» ў Брукліне. Рэгулярна выпісваў «Нашу Ніву» і прапагандаваў беларушчыну пачынаючы яшчэ з 1910-х гг.

Падтрымліваў беларускую незалежнасць, наладзіў кантакты з Беларускай Народнай Рэспублікай, браў удзел у выданні «Бюлетэня» і ў заснаванні Беларускага прэс-бюро ў Нью-Ёрку. Ліставаўся з Вяршыніным, Езавітавым, Ластоўскім. З другой паловы 1921 года працаваў за межамі Злучаных Штатаў — у Японіі, Манчжурыі.

Два месяцы хварэў на крупознае запаленне лёгкіх. Памёр у бальніцы ў раёне Джамайка 23 студзеня 1928 года, меў 54 гады, пахаваны 26 студзеня ў раёне Флашынг.

Засталася яго сям’я: жонка Ніна, сын Антон (15 гадоў), дачка Алеся (31 год).

Творчасць і грамадская дзейнасць

У 1915 гаварыў прамову на пахаванні беларуса Валодзі Татарчыка, прафсаюзнага дзеяча.

У 1915—1916 узначальваў групу беларускіх імігрантаў, якая заснавала Расійска-славянскае таварыства самадапамогі. Дзейнасць таварыства ахапляла нью-ёркскія раёны Бруклін і Бронзвіл. У ім адыгрываў важную ролю і пашыраў беларускую свядомасць.

Кіраваў беларускай арганізацыяй у Бронзвіле, але з яго ад’ездам на Далёкі Усход яе праца прыпынілася.

Друкаваўся ў газетах ЗША. Напісаў артыкул «Жыццё нашых Беларусаў у Амэрыцы», які датуецца 3 мая 1921 года, у віленскую газету «Наша думка» (рэдактар Максім Гарэцкі). Артыкул быў надрукаваны 10 чэрвеня, потым увайшоў са скарачэннямі ў склад дзвюх кніг: чытанкі «Родны край» Леанілы Гарэцкай і «Геаграфіі Беларусі» Смоліча (з другога выдання).

Спасылкі

• За акіян! Як гродзенцы ехалі ў эміграцыю ў пачатку ХХ ст.

Літаратура

• Вітаўт Кіпель. Беларусы ў ЗША. — Мн.: Беларусь, 1993.

Творы:

• Архівы Беларускай Народнай Рэспублікі, Т. 1, кн. 2, 1998
• Наша Думка. № 23. 10 чэрвеня 1921.
  • Запісы БІНіМ № 40, 2018
• Родны Край. Трэцяя і чацьвертая пасьля лемантара кніжка да чытаньня. Вільня, 1921.
• Аркадзь Смоліч. Географія Беларусі. Друкарня «Віленскага Выдавецтва» Б. А. Клецкіна. Вільня, 1922.