Сцяпан Еўдакімавіч Савіцкі

Сцяпан Еўдакімавіч Савіцкі
Дата нараджэння	3 чэрвеня 1923(1923-06-03)
Месца нараджэння	Вялікая Сліва, Слуцкі павет, БССР, СССР
Дата смерці	11 сакавіка 1996(1996-03-11) (72 гады)
Грамадзянства	Беларусь
Род дзейнасці	выкладчык універсітэта
Месца працы	БНТУ Беларускі дзяржаўны эканамічны ўніверсітэт Віцебскі дзяржаўны тэхналагічны ўніверсітэт
Навуковая ступень	кандыдат тэхнічных навук
Альма-матар	БНТУ
Узнагароды

Сцяпан Еўдакімавіч Савіцкі (3 чэрвеня 1923, в. Вялікая Сліва, Слуцкі раён, Мінская вобласць — 11 сакавіка 1996) — беларускі спецыяліст у галіне тэхналогіі сілікатных і тугаплаўкіх неметалічных матэрыялаў, арганізатар адукацыі. Кандыдат тэхнічных навук (1955), прафесар (1971). Удзельнік Вялікай Айчыннай вайны.

Біяграфія

Скончыў Беларускі політэхнічны інстытут (1951; аспірантура, 1954).

Працаваў у Беларускім політэхнічным інстытуце (1954—1960), Беларускім дзяржаўным інстытуце народнай гаспадаркі імя В. У. Куйбышава (1960—1965, загадчык кафедры агульнай хіміі), Віцебскім тэхналагічным інстытуце лёгкай прамысловасці (1965—1988, рэктар).

Навуковыя інтарэсы: агульная хімія; фізікахімія сілікатаў і тэхналогія шкла; педагогіка вышэйшай школы.

Узнагароды

Ордэны Працоўнага Чырвонага Сцяга (1971), «Знак Пашаны» (1981), медалі «За перамогу над Германіяй у Вялікай Айчыннай вайне 1941—1945 гг.», «За ўзяцце Кёнігсберга», «За ўзяцце Берліна» і інш.

Літаратура

• Савіцкі Сцяпан Еўдакімавіч // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 71. — 10 000 экз. — ISBN 985-11-0035-8. — ISBN 985-11-0238-5 (т. 14).