Сцяфан (Корзун)

Архіепіскап Сцяфан
Адукацыя:	Маскоўская духоўная акадэмія (1975) Мар’інагорскі сельскагаспадарчы тэхнікум (1962)
Навуковая ступень:	кандыдат багаслоўя
Імя пры нараджэнні:	Ігар Пятровіч Корзун
Нараджэнне:	25 сакавіка 1944(1944-03-25) (75 гадоў) Карзуны, Чэрвеньскі раён, Мінская вобласць, БССР, СССР
Узнагароды:

Сцяфан (свецк. Ігар Пятровіч Корзун, нар. 25 сакавіка 1944, вёска Карзуны, Чэрвеньскі раён, Мінская вобласць) — беларускі праваслаўны царкоўны дзеяч, архіепіскап Пінскі і Лунінецкі (з 1990).

Біяграфічныя звесткі

Нарадзіўся ў сям'і селяніна. У 1962 скончыў сельскагаспадарчы тэхнікум. У 1963-66 служыў у Савецкай Арміі, затым працаваў аграномам. У 1975 годзе скончыў Маскоўскую духоўную семінарыю, у 1979 годзе — Маскоўскую духоўную акадэмію са ступенню кандыдата багаслоўя.

У 1978 годзе мітрапалітам Мінскім і Беларускім Антоніем пастрыжаны ў манаства. 18 лютага 1978 года рэктарам Маскоўскай духоўнай акадэміі Уладзімірам пасвечаны ў іерадыякана, а 6 лістапада — у іераманаха.

У 1981 годзе ўзведзены ў сан архімандрыта і прызначаны благачынным Свята-Успенскага Жыровіцкага манастыра. З 1987 года — намеснік Жыровіцкага манастыра, з 1989 — рэктар Мінскай духоўнай семінарыі.

Пастановай Сінода Беларускага Экзархату ад 16 лютага 1990 года архімандрыту Сцяфану (Корзуну) вызначана быць епіскапам Пінскім і Лунінецкім. 4 сакавіка 1990 ва Успенскім саборы Жыровіцкага манастыра хіратанісаны. 25 лютага 2000 года ўзведзены ў сан архіепіскапа.

Захапляецца творчасцю Якуба Коласа. Ініцыятар усталявання на званіцы Свята-Варварынскага сабора ў Пінску шыльды, якая нагадвае аб вянчанні Якуба Коласа з Марыяй Каменскай — з'явілася яна ў 2015 годзе.

Спасылкі

• СЦЯФАН, АРХІЕПІСКАП ПІНСКІ І ЛУНІНЕЦКІ // church.by