Сьюард (паўвостраў)

Сьюард (паўвостраў)
Размяшчэнне
	65°25′00″ пн. ш. 163°43′00″ з. д.HGЯO
Акваторыі	Берынгава мора, Чукоцкае мора, Ціхі акіян і Паўночны Ледавіты акіян
Краіны	ЗША;
Адміністрацыйная адзінка	Аляска;
Медыяфайлы на Вікісховішчы

Сьюард (англ.: Seward Peninsula) — буйны паўвостраў у заходняй Алясцы (ЗША).

Даўжыня паўвострава каля 320 кіламетраў, шырыня — 145—225 кіламетраў. Паўночна-ўсходняя частка паўвострава адміністрацыйна адносіцца да бора Нортуэст-Арктык, астатняя частка — да Неарганізаванага бора. З поўдня абмываецца водамі Берынгава мора (у тым ліку заліва Нортан), з поўначы — водамі Чукоцкага мора (у тым ліку заліва Кацэбу). Заходні ўскраек паўвострава (мыс Прынца Уэльскага) выдаецца ў Берынгаў праліў, з’яўляецца крайнім заходнім пунктам мацерыковай Паўночнай Амерыкі. Паўвостраў з’яўляецца важнай геалагічнай часткай Берынгіі — перашыйка, які некалі злучаў Еўразію і Паўночную Амерыку. Найвышэйшы пункт паўвострава — гара Осбарн вышынёй 1437 метраў.

Сваю назву паўвостраў атрымаў у гонар Уільяма Генры Сьюарда, дзяржаўнага сакратара ЗША, які прыняў актыўны ўдзел у набыцці Аляскі Штатамі ў Расійскай імперыі ў 1867 годзе.