Сэрвач (возера)
| Сэрвач | |
|---|---|
 | |
| Морфаметрыя | |
| Вышыня над узроўнем мора | 179 м |
| Даўжыня | 3,83 км |
| Шырыня | 2,89 км |
| Плошча | 4,55 км² |
| Аб’ём | 0,00129 км³ |
| Даўжыня берагавой лініі | 12,9 км |
| Найбольшая глыбіня | 5,2 м |
| Сярэдняя глыбіня | 2,8 м |
| Басейн | |
| Плошча вадазбору | 51,8 км² |
| Выцякаюць | Сэрвач |
| Размяшчэнне | |
| Краіна |
 Беларусь |
  Сэрвач |
|
|
|
|
 Сэрвач |
|
 |
|
 Медыяфайлы на Вікісховішчы | |
Сэ́рвач — возера ў Докшыцкім раёне Віцебскай вобласці на мяжы з Глыбоцкім раёнам.
Знаходзіцца ў басейне ракі Сэрвач (выцякае з возера), за 18 км на паўночны захад ад горада Докшыцы, каля вёсак Вешняе і Шантараўшчына, на тэрыторыі гідралагічнага заказніка Сэрвач.
Плошча паверхні возера 4,55 км². Найбольшая глыбіня 5,2 м. Даўжыня 3,83 км. Найбольшая шырыня 2,89 км. Даўжыня берагавой лініі 12,9 км. Аб'ём вады 12,9 млн. м³. Плошча вадазбору 51,8 км². Вадазбор складзены з марэнных суглінкаў і супескаў, паблізу возера забалочаны.
Катлавіна возера рэшткавага тыпу, выцягнутая з захаду на ўсход. Схілы катлавіны вышынёй 1—З м, разараныя, на 3 невыразныя. Берагі нізкія, месцамі сплавінныя. Пойма забалочаная, пад хмызняком, на захадзе пераходзіць у забалочаную, парослую лесам нізіну. Дно выслана сапрапелем, на поўначы — торфам; мелкаводдзе пясчанае. Шырыня паласы прыбярэжнай надводнай расліннасці 15—120 м, пашырана да глыбіні 1,5—2 м.
У возеры водзяцца шчупак, лешч, плотка, карась, акунь, лінь і іншыя віды рыб.
Літаратура[правіць | правіць зыходнік]
- Сэ́рвач // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 329. — 10 000 экз. — ISBN 985-11-0035-8. — ISBN 985-11-0251-2 (т. 15).
- Сэ́рвач // Энцыклапедыя прыроды Беларусі. У 5-і т. Т. 5. Стаўраструм — Яшчур / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1986. — С. 61. — 583 с., іл. — 10 000 экз.
- Сэ́рвач // Блакітная кніга Беларусі : Энцыклапедыя / рэдкал.: Н. А. Дзісько і інш. — Мн.: БелЭн, 1994. — С. 359. — 415 с. — 10 000 экз. — ISBN 5-85700-133-1.
- Республика Беларусь. Атлас охотника и рыболова: Витебская область / Редактор Г. Г. Науменко. — Мн.: РУП «Белкартография», 2010. — С. 26. — 72 с. — 10 000 экз. — ISBN 978-985-508-136-5. (руск.)