Сямён Іванавіч Чэлюскін

Сямён Іванавіч Чэлюскін
Род дзейнасці	падарожнік-даследчык, гідрограф, ваенны
Дата нараджэння	каля 1700
Месца нараджэння	Бялёў, Бялёўскі павет[d], Тульская губерня, Расійская імперыя
Дата смерці	лістапад 1764 ці 1764
Грамадзянства	Расійская імперыя
Прыналежнасць	Расійская імперыя
Медыяфайлы на Вікісховішчы

Сямён Іванавіч Чэлюскін (руск.: Семён Ива́нович Челю́скин, каля 1700 — пасля 1760) — расійскі палярны даследчык.

Біяграфія

З дваран Калужскай губерні. Вучыўся ў Маскоўскай школе матэматычных і навігацыйных навук (1714—1726), скончыў Марскую акадэмію ў Санкт-Пецярбургу ў 1728 годзе, з 1733 года ў складзе аднаго з атрадаў 2-й Камчацкай экспедыцыі пад кіраўніцтвам В. В. Прончышчава, потым Х. П. Лапцева. Вясной 1741 года прайшоў па сушы ад вусця ракі Хатанга да вусця ракі Пясіна і апісаў частку заходняга ўзбярэжжа паўвострава Таймыр да паўночнага пункта мацерыка. З 1743 года служыў на Балтыйскім флоце. У гонар Чэлюскіна названы мыс і паўвостраў на Таймыры і параход «Чэлюскін».

Літаратура

• Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн. : БелЭн, 2003. — Т. 17. — 512 с. — 10 000 экз. — ISBN 985-11-0035-8. — ISBN 985-11-0279-2 (т. 17).