Сямён Аляксандравіч Альтшулер

Сямён Аляксандравіч Альтшулер
Дата нараджэння	24 верасня 1911(1911-09-24)
Месца нараджэння	Віцебск, Віцебская губерня, Расійская імперыя
Дата смерці	24 студзеня 1983(1983-01-24) (71 год)
Месца смерці	Казань, Татарская АССР[d], РСФСР, СССР
Грамадзянства	СССР
Род дзейнасці	фізік, вынаходнік
Навуковая сфера	фізіка
Месца працы	Казанскі ўніверсітэт
Навуковая ступень	доктар фізіка-матэматычных навук () (1955) і list of corresponding members of the Russian Academy of Sciences throughout its history[d] () (1976)
Навуковае званне	прафесар ()
Альма-матар	Казанскі ўніверсітэт ()
Навуковы кіраўнік	Ігар Яўгенавіч Там
Член у	Акадэмія навук СССР () Расійская акадэмія навук ()
Прэміі
Узнагароды

Сямё́н Алякса́ндравіч Альтшу́лер (24 верасня 1911, Віцебск — 24 студзеня 1983) — расійскі фізік, стваральнік навуковай школы ў галіне парамагнетызму. Член-карэспандэнт АН СССР (1976). Доктар фізіка-матэматычных навук (1955), прафесар (1956). Заслужаны дзеяч навукі РСФСР (1970).

Біяграфія

Нарадзіўся ў сям’і віцебскіх яўрэяў. Скончыў Казанскі ўніверсітэт (1932), дзе працаваў з 1934 г. (з 1954 загадчык кафедры). У 1977—83 гг. член Прэзідыума Казанскага філіяла АН СССР.

Навуковыя працы па магнітнай радыёспектраскапіі, электронным парамагнітным рэзанансе, тэорыі парамагнетызму. Прадказаў (разам з І. Я. Тамам; 1934) наяўнасць у нейтрона магнітнага моманту, вызначыў яго знак і дакладна ацаніў велічыню. Адкрыў (разам з Б. М. Козыравым і С. Г. Саліхавым; 1948) звыштонкую структуру спектраў электроннага парамагнітнага рэзанансу. Прадказаў акустычны парамагнітньі рэзананс (1952; зарэгістраваны як адкрыццё ў 1974), пабудаваў яго тэорыю, што прывяло да стварэння квантавай акустыкі. Прапанаваў метад атрымання звышнізкіх тэмператур, заснаваны на адыябатычным размагнічванні ядзерных спінаў ванфлекаўскіх парамагнетыкаў (1966).

Літаратура

• Альтшулер Сямён Аляксандравіч // Беларуская энцыклапедыя: У 18 т. Т. 1: А — Аршын / Рэдкал.: Г. П. Пашкоў і інш. — Мн. : БелЭн, 1996. — Т. 1. — С. 285. — 552 с. — 10 000 экз. — ISBN 985-11-0035-8. — ISBN 985-11-0036-6 (т. 1).