Сяргей Аляксандравіч Баланчук

Сяргей Баланчук
Поўнае імя	Сяргей Аляксандравіч Баланчук
Нарадзіўся	31 сакавіка 1975(1975-03-31) Кіеў, УССР, СССР
Памёр	7 ліпеня 2022(2022-07-07) (47 гадоў) Данецкая вобласць, Украіна
Грамадзянства	Украіна
Рост	1,77 м
Пазіцыя	абаронца
Маладзёжныя клубы
0000—1992 Дынама (Кіеў)
Клубная кар’ера
1992—1999 Дынама (Кіеў) 4 (0) 1992—1993 →  Дынама-2 (Кіеў) 32 (5) 1993 →  ЦСКА (Кіеў) 3 (1) 1993—1996 →  Дынама-2 (Кіеў) 94 (7) 1996—1999 →  Макабі (Хайфа) 64 (2) 1999 →  Дынама-2 (Кіеў) 12 (0) 1999 →  Дынама-3 (Кіеў) 3 (0) 1999—2003 Ворскла (Палтава) 89 (3) 1999—2002 →  Ворскла-2 (Палтава) 9 (0) 2002—2003 →  Металіст (Харкаў) 7 (0)
Нацыянальная зборная
1995—1996 Украіна (да 21) 2 (0)

Сяргей Аляксандравіч Баланчук (укр.: Сергій Олександрович Баланчук; 31 сакавіка 1975, Кіеў, УССР, СССР — 7 жніўня 2022, каля Бахмута, Данецкая вобласць, Украіна) — украінскі футбаліст, абаронца, ваеннаслужачы, які загінуў падчас уварвання Расіі ва Украіну.

Біяграфія

Сяргей Баланчук з’яўляецца выхаванцам футбольнай школы кіеўскага «Дынама». За асноўную каманду Сяргей правёў усяго толькі 4 матчы ў сезоне 1995/1996. Знаходзіўся ў арэндзе ў фарм-клубах кіеўскага «Дынама», кіеўскім ЦСКА і «Макабі» з Хайфы. З апошнімі стаў уладальнікам Кубка Ізраіля ў 1998 годзе і бронзавым прызёрам чэмпіянату Ізраіля ў 1999 годзе. У 1999 годзе перайшоў у футбольны клуб «Ворскла», дзе найбольшым поспехам было чацвёртае месца ў чэмпіянаце Украіны і кваліфікацыя ў Кубак УЕФА. У сезоне 2002/2003 знаходзіўся ў арэндзе ў харкаўскім «Металісце». Пасля вяртання з арэнды завяршыў прафесійную кар’еру.

Пасля пачатку расійскага ўварвання ва Украіну, у красавіку 2022 года Сяргей Баланчук быў прызваны ва Узброеныя Сілы Украіны. Загінуў 7 ліпеня 2022 года падчас баёў за горад Бахмут у Данецкай вобласці з прычыны артылерыйскага абстрэлу. Пахаваны ў Кіеве на Лясных могілках.