Перайсці да зместу

Сяргей Віталевіч Гурэнка

З Вікіпедыі, свабоднай энцыклапедыі
Футбол
Сяргей Гурэнка
Агульная інфармацыя
Поўнае імя Сяргей Віталевіч Гурэнка
Нарадзіўся 30 верасня 1972(1972-09-30)[1][2][…] (51 год)
Грамадзянства  Беларусь
Рост 175 см
Вага 72 кг
Пазіцыя абаронца, паўабаронца
Клубная кар’ера[* 1]
1989—1995 Саюз Савецкіх Сацыялістычных Рэспублік/Беларусь Нёман (Гродна) 185 (5)
1995—1999 Расія Лакаматыў (Масква) 112 (4)
1999—2001 Італія Рома (Рым) 6 (0)
2000—2001   Іспанія Рэал (Сарагоса) 11 (0)
2001—2002 Італія Парма 3 (0)
2002—2003 Італія П’ячэнца 25 (1)
2003—2008 Расія Лакаматыў (Масква) 141 (2)
2009 Беларусь Дынама (Мінск) 15 (0)
2014 Беларусь Партызан-2002 (Мінск) 7 (0)
Нацыянальная зборная[* 2]
1994—2006 Беларусь Беларусь 80 (3)
Трэнерская кар’ера
2009—2010 Беларусь Дынама (Мінск)
2010—2012 Беларусь Тарпеда-БелАЗ (Жодзіна)
2012—2013 Беларусь Дынама (Мінск) спарт. дыр.
2013 Расія Краснадар трэнер
2014 Расія Спартак-Нальчык трэнер
2014 Расія Амкар (Перм) трэнер
2015 Бельгія Стандард (Льеж) трэнер
2016—2017 Беларусь Дынама (Мінск) дубль
2016—2017 Сербія Сербія трэнер
2017—2018 Беларусь Дынама (Мінск)
2019—2020 Беларусь Дынама (Мінск)
2021 Літва Рыцярэй (Вільнюс)
2021 Беларусь Шахцёр (Салігорск)
2023 Расія Уфа
  1. Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 31 жніўня 2023.
  2. Колькасць гульняў і галоў за нацыянальную зборную ў афіцыйных матчах
Лагатып Вікісховішча Медыяфайлы на Вікісховішчы

Сярге́й Віта́левіч Гурэ́нка (нар. 30 верасня 1972, Гродна, БССР) — беларускі футбаліст і трэнер. Выступаў за нацыянальную зборную Беларусі (1994—2006). У якасці трэнера ўзначальваў мінскае «Дынама» (2009—2010, 2017—2018, 2019—2020), жодзінскае «Тарпеда-БелАЗ» (2010—2012), салігорскі «Шахцёр» (2021).

Кар’ера футбаліста

[правіць | правіць зыходнік]

Экс-капітан беларускай зборнай; дэбютаваў 25 мая 1994 года ў таварыскай гульні з Украінай (1:3); экс-рэкардсмен нацыянальнай каманды па колькасці згуляных матчаў — 80, забіў тры мячы. У кастрычніку 2009 года Аляксандр Кульчы згуляў свой 81-ы матч за зборную і апярэдзіў Гурэнку.

Уваходзіць у Клуб Сяргея Алейнікава.

У красавіку 2014 года ў якасці аматара быў заяўлены ў Другую лігу чэмпіянату Беларусі за мінскі «Партызан»[3], куды яго запрасіў былы аднаклубнік Андрэй Лаўрык. 27 красавіка 2014 года дэбютаваў за «Партызан» у матчы супраць «Клецка»[4].

Кар’ера трэнера

[правіць | правіць зыходнік]

Галоўны трэнер мінскага «Дынама» (2009—2010), «Тарпеда» (Жодзіна) (2010—2012).

У 2012 годзе зноў апынуўся ў мінскім «Дынама», дзе заняў пасаду спартыўнага дырэктара. У міжсезонні 2012—2013 гадоў быў адным з галоўных арганізатараў запрашэння ў «Дынама» такіх ігракоў, як Аднан Захіравіч, Крысціян Абадо і Дзмітрый Сычоў (апошні гуляў разам з Гурэнкам у маскоўскім «Лакаматыве»).

У красавіку 2013 года перайшоў на трэнерскую працу ў расійскі «Краснадар»[5], дзе стаў асістэнтам Славалюба Мусліна, але ўжо ў жніўні 2013 года разам з Мусліным пакінуў гэты клуб[6].

У лютым 2014 года ўвайшоў у трэнерскі штаб «Спартака» з Нальчыка[7]. У чэрвені 2014 года зноў стаў асістэнтам Славалюба Мусліна, на гэты раз у пермскім «Амкары»[8]. У снежні 2014 года ўслед за Мусліным пакінуў пасаду трэнера пермякоў[9].

У чэрвені 2015 года ўвайшоў у трэнерскі штаб бельгійскага «Стандарда», які незадоўга да таго ўзначаліў Муслін[10]. Аднак, ужо ў жніўні разам з сербскім трэнерам быў адпраўлены ў адстаўку, асноўнай прычынай якой стаў невыхад у групавы этап Лігі Еўропы[11].

Са снежня 2015 года пачаў працу ў юнацкай камандзе мінскага «Дынама»[12], а з пачатку наступнага сезона ўзначаліў дубль мінчан. У маі 2016 года дадаткова прыняў прапанову Славалюба Мусліна быць яго асістэнтам у зборнай Сербіі[13][14]. У маі 2017 года, пасля адстаўкі галоўнага трэнера мінчан Сяргея Бароўскага, быў прызначаны выканаўцам абавязкаў галоўнага трэнера[15] і неўзабаве зацверджаны на пасадзе. Пры гэтым застаўся ў штабе зборнай Сербіі, якая разам з Гурэнкам трапіла ў фінальную частку чэмпіянату свету 2018. Аднак у лістападзе 2017 года, неўзабаве пасля адстаўкі Мусліна, услед за ім пакінуў сербскую зборную[16].

У сезоне 2017 «Дынама» на чале з Гурэнкам заняла другое месца ў чэмпіянаце Беларусі, набраўшы роўную колькасць ачкоў з чэмпіёнам БАТЭ і саступіўшы першае месца па дадатковых паказчыках. У сезоне 2018 дынамаўцы атрымалі бронзавыя медалі чэмпіянату. У студзені 2019 года стала вядома, што Гурэнка па заканчэнні кантракта пакідае пасаду галоўнага трэнера мінчан[17].

У чэрвені 2019 года зноў стаў трэніраваць «Дынама»[18]. Аднак, выступы каманды атрымаліся няўдалымі — «Дынама» выбыла з Лігі Еўропы ў першым раўндзе, у чэмпіянаце Беларусі 2019 засталося без медалёў, у пачатку 2020 года выбыла з Кубка Беларусі, а ў чэмпіянаце ішло ў ніжняй частцы табліцы. У красавіку 2020 года па пагадненні бакоў пакінуў сталічны клуб[19].

У лютым 2021 года ўзначаліў літоўскі «Рыцярэй»[20], які пад кіраўніцтвам Гурэнка знаходзіўся ў ніжняй частцы табліцы. У маі 2021 года па заканчэнні кантракта пакінуў пасаду ў літоўскім клубе[21].

У ліпені 2021 года быў прызначаны галоўным трэнерам салігорскага «Шахцёра»[22]. Пад кіраўніцтвам Гурэнкі «Шахцёр» выбыў з Лігі канферэнцый і Кубка Беларусі. У верасні 2021 года, пасля паражэння ад БАТЭ (0:1), пакінуў салігорскі клуб[23].

У чэрвені 2023 года стаў галоўным трэнерам расійскай «Уфы»[24]. У жніўні 2023 года быў звольнены з пасады[25].

У студзені 2015 года атрымаў трэнерскую ліцэнзію катэгорыі PRO[26].

  1. Sergey Gurenko // Transfermarkt — 2000. Праверана 9 кастрычніка 2017.
  2. Sergei Gurenko // FBref.com
  3. Сергей Гуренко заявлен во второй лиге за «Партизан»
  4. Сергей Гуренко: «Меня не нужно уговаривать. Все равно ведь играю с друзьями в свободное время»
  5. Сергей Гуренко вошел в тренерский штаб «Краснодара»(недаступная спасылка)
  6. Гуренко покинул тренерский штаб «Краснодара»
  7. Сергей Гуренко вошел в тренерский штаб «Спартака» из Нальчика
  8. Гуренко будет помогать Муслину в «Амкаре»
  9. Сергей Гуренко покинул пост старшего тренера "Амкара"
  10. Сергей Гуренко стал ассистентом Славолюба Муслина в бельгийском "Стандарде"
  11. "Стандард" уволил Муслина и Гуренко
  12. Сергей Гуренко приступил к работе с юношеской командой минского "Динамо"
  13. Сергей Гуренко стал помощником Славолюба Муслина в сборной Сербии
  14. Сергей Гуренко: "Став помощником Муслина в сборной Сербии, я продолжу тренировать дубль минского "Динамо"
  15. Гуренко назначен и.о. главного тренера "Динамо" Минск
  16. Сергей Гуренко расторг контакт с Федерацией футбола Сербии
  17. Минское "Динамо" официально подтвердило уход Сергея Гуренко
  18. Сергей Гуренко вновь возглавил минское "Динамо"
  19. Официально: Минское "Динамо" расторгло контракт с Гуренко
  20. Сергей Гуренко возглавил литовский "Ритеряй"
  21. "Ритеряй" не стал продлевать действовавший до конца мая контракт с Сергеем Гуренко
  22. Официально: Сергей Гуренко - главный тренер "Шахтера"
  23. "Шахтер" расстался с главным тренером Сергеем Гуренко
  24. Сергей Гуренко стал главным тренером российской "Уфы" (руск.). football.by (17 чэрвеня 2023). Праверана 21 чэрвеня 2023.
  25. Сергей Гуренко уволен с поста главного тренера российской "Уфы" (руск.). football.by (28 жніўня 2023). Праверана 31 жніўня 2023.
  26. Ермакович, Гольмак, Солодовников, Пышник и еще 15 белорусских специалистов сдали экзамен на категорию PRO